பயனர்களின் எதிர்பார்ப்பு மற்றும் தேவைகளை மனதில் கொண்டு பணியாற்றும் எந்தவொரு நிறுவனமும் சரிவை கண்டதாய் சரித்திரமே இல்லை, அதற்கு ஆகச்சிறந்த எடுத்துக்காட்டு தான் - வாட்ஸ்ஆப்.

வீட்டை அடைந்ததும் போன் செய்கிறேன் என்கிற நிலை மாறி, WhatsApp பண்றேன் என்கிற காலகட்டத்தை உருவாக்கி விட்ட இந்த மெசேஜிங் பிளாட்பார்ம் ஆனது, கடந்த 2015 ஆம் ஆண்டு அதன் WhatsApp Web வெர்ஷனை அறிமுகம் செய்தது. அதாவது ஸ்மார்ட்போனின் வாட்ஸ்ஆப் செயலியில் இடம்பெற்றிருக்கும் QR Code-ஐ ஸ்கேன் செய்வதின் வழியாக கணினியில் அல்லது லேப்டாப்பில் வாட்ஸ்ஆப்பை பயன்படுத்தும் வசதியை அறிமுகம் செய்தது.

இனிமேல் அவசியமில்லை!

இந்த வசதியை அணுக குறிப்பிட்ட வாட்ஸ்ஆப் அக்கவுண்ட்டை கொண்டுள்ள ஸ்மார்ட்போன் ஆனது நமது கையிலேயே இருக்கவேண்டும் என்பதும், அது Switch On செய்யப்பட்டுருக்க வேண்டும் என்பதும் அத்தியாவசமான ஒன்றாகும். கூடிய விரைவில் இந்த "அத்தியாவசியமானது" அவசியமே இல்லாத ஒன்றாக மாறப்போகிறது.

Apple iPhone 11-ன் எதிர்பார்க்கப்படும் விலை மற்றும் அம்சங்கள்!

புதிய Multi-platform system-ல் பணியாற்றும் வாட்ஸ்ஆப்!

ஆம்! வாட்ஸ்ஆப், ஒரு Platform சார்ந்த பணிகளில் ஈடுபடுவதாக தகவல் வெளியாகியுள்ளது. அந்த Platform ஆனது, பயனர்களின் ஸ்மார்ட்போன் Switch Off ஆகியிருந்தாலும் கூட வாட்ஸ்ஆப் வெப்பை பயன்படுத்த அனுமதிக்கும் என்று கூறப்படுகிறது. WABetaInfo-வின் படி, வாட்ஸ்ஆப் ஆனது Universal Windows Platform (UWP) எனும் புதிய Multi-platform system-ல் பணியாற்றி வருகிறது. வரவிருக்கும் வாட்ஸ்ஆப்பின் இந்த புதிய தளமானது, பயனர்கள் தங்கள் ஸ்மார்ட்போனை இணையத்துடன் இணைக்காமலேயே தொடர்ந்து வாட்ஸ்ஆப்பை பயன்படுத்த அனுமதிக்கும்.

VLC Media Player-ஐ உடனே Uninstall செய்ய சொல்லி எச்சரிக்கை! ஏன்?

யாருக்கெல்லாம் அணுக கிடைக்கும்?

இது அதிகாரபூர்வமான தகவல் அல்ல, தற்போது வரையிலாக ஒரு வதந்தியாகத்தான் உள்ளது என்பதையும் WABetaInfo குறிப்பிட்டுள்ளது. ஒருவேளை அறிமுகமானாலும் கூட Windows 10 மூலம் இயக்கப்படும் ஸ்மார்ட்போன்களில் மட்டுமே இந்த புதிய அம்சம் கிடைக்கப்பெறும் என்பதையும் கவனத்தில் கொள்ள வேண்டும். மறுகையில், பேஸ்புக் நிறுவனத்திற்கு சொந்தமான வாட்ஸ்ஆப், விண்டோஸ் ஸ்மார்ட்போன்களுக்கான இயங்கு தளத்திற்கான ஆதரவை விரைவில் வாபஸ் பெறுகிறது என்பதால், விண்டோஸ் 10 பயனர்களுக்கு கூட இது கிடைக்காது என்றும் வைத்துக்கொள்ளலாம். இதனால் தான் இந்த புதிய Platform வெறும் வதந்தியாக எடுத்துக்கொள்ளும்படி கேட்டுக்கொள்ளப்பட்டுள்ளது.

5G மற்றும் 5 கேமராக்களுடன் களமிறங்கும் அடுத்த நோக்கியா ஸ்மார்ட்போன் இதுதான்!

வாட்ஸ்ஆப்பின் புதிய Quick Edit Media Shortcut அம்சம்!

இது தவிர்த்து, வாட்ஸ்ஆப் நிறுவனம் Quick Edit Media Shortcut எனும் அம்சத்தின் கீழும் பணியாற்றி வருகிறது. இது வாட்ஸ்ஆப்பில் பகிரப்பட்ட மீடியா கோப்புகளைத் திருத்த அனுமதிக்கும் என்று கூறப்படுகிறது. தனிப்பட்ட மற்றும் Group chat ஆகிய இரண்டிலுமே இது உருட்டப்படலாம்.

QR Code-ஐ ஸ்கேன் செய்வதற்காக புதிய Shortcut!

தவிர WhatsApp Web பயன்பாட்டை மேலும் எளிமைப்படுத்தும் வண்ணம், QR Code-ற்கான ஒரு புதிய Shortcut ஒன்றையும் வாட்ஸ்ஆப் உருவாக்கி உள்ளது. இந்த புதிய Shortcut-ஐ Tap செய்வதின் மூலம் QR Code-ஐவிரைவாக ஸ்கேன் செய்ய முடியும். இந்த அம்சம் Android Beta Version 2.19.189-ற்கான Update-ல் இடம்பெற்றுள்ளது. கூடிய விரைவில் அனைவருக்கும் கிடைக்கலாம் என்று எதிர்பார்க்கப்படுகிறது.