48MP ட்ரிபிள் கேமரா + 32MP செல்பீ; இந்த Mi ஸ்மார்ட்போனின் விலை நிரந்தரமாக குறைக்கப்பட்டுள்ளது!

சியோமி நிறுவனம் அதன் மி ஏ3 ஸ்மார்ட்போன் மீதான நிரந்தர விலைக்குறைப்பை அறிவித்துள்ளது. கடந்த ஆண்டு ஆகஸ்ட் மாதத்தில் இந்தியாவில் அறிமுகப்படுத்தப்பட்ட போது இதன் விலை ரூ.12,999 ஆகும். இது 4 ஜிபி ரேம் மற்றும் 6 ஜிபி ரேம் விருப்பங்களில் அறிமுகமானத்து. தற்போது இந்த இரண்டு மெமரி வேரியண்ட்களின் மீதும் ரூ.1,000 என்கிற நிரந்தர விலைக்குறைப்பு அறிவிக்கப்பட்டுள்ளது.

மி ஏ3 ஸ்மார்ட்போன் மீது நிகழ்த்தப்படும் முதல் விலைக் குறைப்பு இதுவாகும். தற்போது புதிய விலை நிர்ணயத்தின் கீழ் அமேசான் இந்தியா, மி.காம், ஃப்ளிப்கார்ட் மற்றும் சில்லறை கடைகளின் வழியாக வாங்க கிடைக்கிறது. அதாவது ஆக மி ஏ3 ஸ்மார்ட்போனின் 4 ஜிபி ரேம் + 64 ஜிபி மெமரி வேரியண்ட் ஆனது ரூ.11,999 க்கும், இதன் 6 ஜிபி ரேம் + 128 ஜிபி மெமரி வேரியண்ட் ஆனது ரூ.14,999 க்கும் வாங்க கிடைக்கிறது.

ஐபோன் SE2 க்கு பதிலாக ஐபோன் 9; அதுவும் ஒன்பிளஸ் 7T-ஐ விட குறைவான விலையில்!

மி நிறுவனத்தின் ஆண்ட்ராய்டு ஒன் ஸ்மார்ட்போனான இது மூன்று வண்ண விருப்பங்களின் கீழ் - Not Just Blue, More Than White, and Kind of Grey - வாங்க கிடைக்கிறது.

அம்சங்களை பொறுத்தவரை டூயல் சிம் (நானோ + நானோ) ஆதரவு கொண்ட சியோமி மி ஏ 3 ஆனது ஆண்ட்ராய்டு 9 பை கொண்டு இயங்குகிறது மற்றும் இது 6.08 இன்ச் அளவிலான எச்டி + (720x1560 பிக்சல்கள்) சூப்பர் அமோலேட் டிஸ்ப்ளேவை கொண்டுள்ளது. அது கொரில்லா கிளாஸ் 5 பாதுகாப்பு மற்றும் 19.5: 9 அளவிலான திரை விகிதம் ஆகியவைகளை கொண்டுள்ளது.

44MP டூயல் செல்பீ கேமரா! பிப்ரவரி மாதம் வரை வேற எந்த போனும் வாங்கிடாதீங்க!

மேலும் மி ஏ3 ஆனது ஸ்னாப்டிராகன் 665 SoC மூலம் இயக்கப்படுகிறது, இது 4 ஜிபி ரேம் மற்றும் அட்ரினோ 610 ஜி.பீ.யுடன் இணைக்கப்பட்டுள்ளது. மைக்ரோ எஸ்.டி கார்டு வழியாக 256 ஜிபி வரை மெமரி நீட்டிப்பு ஆதரவையும் வழங்கும் மி ஏ3 ஆனது 64 ஜிபி மற்றும் 128 ஜிபி சேமிப்பு விருப்பங்களை வழங்குகிறது.

கேமரத்துறையை பொறுத்தவரை, மி ஏ3 ஆனது ட்ரிபிள் ரியர் கேமரா அமைப்பைக் கொண்டுள்ளது, அதில் 48 மெகாபிக்சல் (எஃப் / 1.79) கேமரா + 118 டிகிரி வைட் ஆங்கிள் (எஃப் / 1.79) லென்ஸ் கொண்ட 8 மெகாபிக்சல் செகண்டரி சென்சார் + 2 அளவிலானா டெப்த் சென்சார் ஆகியவைகள் உள்ளன. முன்பக்கத்தில் ஒரு 32 மெகாபிக்சல் செல்பீ கேமரா (எஃப் / 2.0) உள்ளது.

அட்றா சக்கை! வெறும் ரூ.10,000 க்குள் முன்பக்கம் பாப்-அப் செல்பீ; பின்பக்கம் க்வாட் கேமரா! வேற என்ன வேணும்?

இணைப்பு விருப்பங்களை பொறுத்தவரை, 4ஜி வோல்டிஇ, வைஃபை 802.11 ஏசி, ப்ளூடூத் வி 5.0, ஜிபிஎஸ் / ஏ-ஜிபிஎஸ், யூ.எஸ்.பி டைப்-சி மற்றும் 3.5 மிமீ ஹெட்ஜாக் ஆகியவைகளை கொண்டுள்ளது. இது 18W ஃபாஸ்ட் சார்ஜிங்கிற்கான ஆதரவு கொண்ட 4,030 எம்ஏஎச் பேட்டரி மூலம் சக்தியூட்டப்படுகிறது.