5 கேமரா + 5260mAh பேட்டரி; தாறுமாறாக தயாராகும் Mi Note 10 Lite!

108 மெகாபிக்சல் கேமராவை பேக் செய்யும் உலகின் முதல் ஸ்மார்ட்போனை சியோமி நிறுவனம் கடந்த ஆண்டு அறிமுகம் செய்தது என்பதையும், அது மி நோட் 10 அல்லது மி சிசி 9 ப்ரோ என்று அழைக்கப்படுகிறது என்பதை நாம் அறிவோம்.

ஆனால் நம்மில் பெரும்பலானவர்கள் அறியாத விடயம் என்னவென்றால், இந்த சீன ஸ்மார்ட்போன் தயாரிப்பாளர் இப்போது மி நோட் 10 ஸ்மார்ட்போனின் "லைட்" பதிப்பின் கீழ் பணியாற்றி வருகிறது என்பது தான்!

அது மி நோட் 10 லைட் என்ற பெயரின் கீழ் அறிமுகம் ஆகும் என்றும், இந்த ஸ்மார்ட்போன் ஏற்கனவே எஃப்.சி.சி சான்றிதழைப் பெற்று விட்டதாகவும் கூறப்படுகிறது.

வரவிருக்கும் மி நோட் 10 லைட் ஸ்மார்ட்போனின் சில அம்சங்களும் ஆன்லைனில் வெளிவந்துள்ளன. அதன்படி, மி நோட் 10 லைட் ஸ்மார்ட்போனில் ஒரு பென்டா லென்ஸ் ரியர் கேமரா அமைப்பு இடம்பெறும், அதாவது இதன் பின்புறத்தில் மொத்தம் 5 கேமராக்கள் இருக்கும். மேலும் இந்த ஸ்மார்ட்போன் 30W சார்ஜிங்கிற்கான ஆதரவைக் கொண்டு வரும்.

Xiaomi : வெறும் ரூ.10,600 க்கு 5G போன்! அதுவும் Redmi Note வரிசையில்!

முன்னதாக மைஸ்மார்ட் ப்ரைஸ் வழியாக வெளியான எஃப்.சி.சி பட்டியல் மற்றும் டிப்ஸ்டர் சுதான்ஷு அம்போர் வழியாக நமக்கு கிடைத்த தகவல்களின்படி மி நோட் 10 லைட் ஆனது 64 மெகாபிக்சல் அளவிலான பிரதான கேமராவைக் கொண்டுருக்கும். உடன் 8 மெகாபிக்சல் அளவிலான அல்ட்ரா-வைட் ஆங்கிள் ஸ்னாப்பர் மற்றும் 2 மெகாபிக்சல் மேக்ரோ கேமாராவையும் கொண்டிருக்கும்.

மேலும் இதன் கேமரா அமைப்பில் 8 மெகாபிக்சல் (5 எக்ஸ் ஆப்டிகல் ஸூம்) மற்றும் 5 மெகாபிக்சல் (2 எக்ஸ் ஆப்டிகல் ஸூம்) ரெசல்யூஷன் கொண்ட இரண்டு டெலிஃபோட்டோ கேமராக்களும் இருக்கும்.

ஸ்டாண்டர்ட் மி நோட் 10 ஸ்மார்ட்போனை போலன்றி, மி நோட் 10 லைட் ஆனது ஒரு லேசர் ஆட்டோஃபோகஸ் மாட்யூலை தவறவிடுகிறது. துரதிர்ஷ்டவசமாக, மி நோட் 10 லைட் ஸ்மார்ட்போனின் செல்பீ கேமரா(க்களை) பற்றிய போதுமான தகவல்கள் இல்லை.

இந்த மேட்டர் தெரிஞ்சா ரெட்மி 9-ஐ கண்டிப்பா வாங்குவீங்க!

வரவிருக்கும் இந்த சியோமி ஸ்மார்ட்போன் ஆனது ஆக்டா கோர் க்வால்காம் ஸ்னாப்டிராகன் 730 ஜி SoC ப்ராசஸரை பயன்படுத்தும் என்று கூறப்படுகிறது, ஆனால் இதன் ரேம் மற்றும் சேமிப்பகத்தின் அளவு குறித்து எந்த வார்த்தையும் இல்லை.

மி நோட் 10 லைட்டில் ஒரு முரட்டுத்தனமான 5,260 எம்ஏஎச் பேட்டரி பொருத்தப்பட்டிருக்கும் என்றும், அது யூ.எஸ்.பி டைப்-சி போர்ட் வழியாக 30W சார்ஜிங்கை ஆதரிக்கும் என்றும் கூறப்படுகிறது.

அளவீட்டை பொறுத்தவரை, மி நோட் 10 லைட் ஆனது 156 மிமீ உயரமும் 73 மிமீ அகலமும் கொண்டதாக இருக்கும் என்று கூறப்படுகிறது. மேலும் இது டூயல்-பேண்ட் (2.4GHz + 5GHz) வைஃபை இணைப்பையும் ஆதரிக்கும்.

இதெல்லாம் ஒருபக்கம் இருக்க, தற்போது வரையிலாக சியோமி நிறுவனம் தான் ஒரு மி நோட் 10 லைட் ஸ்மார்ட்போனில் பணியாற்றி வருவதாக எந்தவிதமான அதிகாரப்பூர்வமான தகவலையும் வெளியிடவில்லை!