வெறும் ரூ.1100 க்கு புதிய Redmi Band; ஆளுக்கு 2 வாங்கலாம் போலயே!

சீன நிறுவனமான சியோமியின் துணையுடன் தனி பிராண்டாக இயங்கும் ரெட்மி, ஒரு புதிய பிட்னஸ் பேண்டை அறிமுகப்படுத்தியுள்ளது. தனது 10 வது ஆண்டு விழா கொண்டாட்டமான மி ஃபேன் பெஸ்டிவல் 2020-இல் சியோமி நிறுவனம் மொத்தம் 22 புதிய தயாரிப்புகளை அறிமுகப்படுத்தியது. அதிலொரு குறிப்பிடத்தக்க தயாரிப்பு தன - ரெட்மி பேண்ட்.

கலர் டிஸ்பிளே, இதய துடிப்பு மானிட்டர் மற்றும் 14 நாட்கள் நீடிக்கும் பேட்டரி ஆயுள் போன்ற பிரதான அம்சங்களை கொண்டுள்ள இந்த புதிய ரெட்மி ஃபிட்னஸ் டிராக்கரின் விலை என்ன? மற்ற அம்சங்கள் என்ன? என்பதை பற்றி முழுமையாக அறிய தொடர்ந்து படிக்கவும்.

இந்த புதிய ரெட்மி பேண்ட் ஆனது ரியல்மி பேண்ட் மற்றும் ஹானர் பேண்ட் போன்றது தான். மி பேண்ட் 4 இல் உள்ள 0.95 இன்ச் பேனலுடன் ஒப்பிடும்போது இது 1.08 இன்ச் கலர் AMOLED டச் ஸ்க்ரீனை கொண்டுள்ளது. இது மி பேண்ட் வரம்பில் நாம் கண்ட வட்டமான டேப்ளெட் வடிவமைப்பிற்கு பதிலாக செவ்வக வடிவமைப்பை கொண்டுள்ளது.

50MP க்வாட் கேமராவுடன் ஏப். 15-இல் அறிமுகமாகும் Honor 30 விலை இவ்ளோதானா!

இந்த பிட்னஸ் பேண்ட்டை சார்ஜ் செய்ய, வெறுமனே அதன் ஸ்ட்ராப்பை இழுத்து கழட்ட, அதன் மெயின் யூனிட்டை யூ.எஸ்.பி-ஏ போர்ட் ஆக மாற்றலாம்.

இந்த ரெட்மி பேண்டில் உங்கள் இதயத் துடிப்பைக் கண்காணிக்க உதவும் ஹார்ட் ரேட் சென்சார் உள்ளது, மேலும் இது உங்கள் தூக்க சுழற்சிகளையும் கூட கண்காணிக்கும். இது தவிர ரன்னிங், டிரெட்மில்ஸ், வால்க்கிங், சைக்கிள் ஓட்டுதல் போன்ற ஸ்போர்ட் மோட்களும் உள்ளன.

நிச்சயமாக, முன்னதாக வெளியான மி பேண்டில் நாம் பார்த்த நோட்டிபிகேஷன்கள், ரீமைண்டர்கள் மற்றும் சில அம்சங்களையும் இதில் நாம் எதிர்பார்க்கலாம்.

இந்த ரெட்மி பேண்ட்டை ஒருமுறை சார்ஜ் செய்ய 14 நாட்கள்வரை பேட்டரி ஆயுள் வழங்கும் என்று ரெட்மி நிறுவனம் கூறுகிறது. இதன் கலர் டிஸ்பிளேவை கருத்தில் கொண்டு பார்த்தால், இதன் விலை அவ்வளவு மோசமானதல்ல. ரெட்மி பேண்டின் விலை இந்திய மதிப்பின்படி ரூ.1,100 ஆகும்.

144 போட்டுள்ள நேரத்தை பயன்படுத்தி 144MP கேமராவை ரெடி செய்த சியோமி!

இந்த ஃபிட்னஸ் பேண்ட் வருகிற ஏப்ரல் 9 முதல் தோராயமாக ரூ.999 க்கு க்ரவுட் ஃபன்டிங் மூலம் கிடைக்கும். இப்போதைக்கு, இது இந்திய சந்தைக்கு வருமா என்பது குறித்து தகவலும் இல்லை. ரெட்மி நிறுவனம் இதை இந்தியாவுக்கு கொண்டு வர திட்டமிட்டால், மற்ற நிறுவனங்களின் பட்ஜெட் பிட்னஸ் பேண்ட்களின் நிலைமையை யோசித்து கூட பார்க்க முடியாது.