Redmi 7A அறிமுகம்: வெறும் 6 ஆயிரம் ரூபாய்க்கு இவ்வளவு சிறப்பம்சங்களா! வேறென்ன வேணும்?

சியோமி நிறுவனம் வெறும் 5,999 ரூபாயில் அதிக சிறப்பம்சங்கள் நிறைந்த ரெட்மி 7A ஸ்மார்ட்போனை அறிமுகம் செய்துள்ளது. இதில் உள்ள சிறப்பம்சங்கள் குறித்த விபரங்களை இங்கு காணலாம்.

சீனா பெய்ஜிங் நகரை தலைமையிடமாகக் கொண்டு ஸ்மார்ட்போன் தயாரிப்பில் உலகளவில் முன்னனி நிறுவனமாக சியோமி திகழ்கிறது. இந்நிறுவனம் தற்போது பட்ஜெட் விலையில் ரெட்மி 7A ஸ்மார்ட்போனை இன்று மதியம் அறிமுகம் செய்தது.

இந்த போனை அறிமுகம் செய்வதன் அடையாளமாக #SmartDeshKaSmartphone என்ற ஹேஷ்டேக்கை ரெட்மி நிறுவனம் உருவாக்கியுள்ளது. முன்னதாக சீனாவில் இது அறிமுகம் செய்த போது இதன் விலை இந்திய மதிப்பில் 6,000 ரூபாய் என நிர்ணயிக்கப்பட்டது. தற்போது இந்தியாவில் 6,499 ரூபாய்க்கு அறிமுகம் செய்யப்பட்டுள்ளது. அறிமுக சலுகையாக, 5,799 ரூபாய்க்கு வழங்கப்படுகிறது. வரும் 11ம் தேதி முதல் விற்பனைக்கு வருகிறது. வாடிக்கையாளர்கள் இதனை பிளிப்கார்ட் மற்றும் எம்ஐ ஆன்லைன் ஷாப்பிங் மூலம் வாங்கிக் கொள்ளலாம்.

ரெட்மி 7A ஸ்மார்ட்போனில், 12 மெகா பிக்சல் கேமரா, சோனி IMX 486 ரியர் கேமரா, குவால்காம் ஸ்னாப்டிராகன் 439, மற்றும் 4000Mah பேட்டரி சக்தி முதன்மை சிறப்பம்சங்களாக உள்ளது. வெறும் 5,799 ரூபாய்க்கு இவ்வளவு சிறப்பம்சங்கள் நிறைந்த போனை சியோமி கொண்டு வந்துள்ளது பாரட்டக்குரியது. இதற்கு 2 வருட வாரண்டியும் வழங்கப்படுகிறது.

ரெட்மி 7A இல் உள்ள அடிப்படை சிறப்பம்சங்கள்:
திரை: 5.45 இன்ச்
பிராசசர்: குவால்காம் ஸ்னாப்டிராகன் 439
சிம்: டூயல் சிம்
ரேம்: 2ஜிபி
மெமரி: 32 ஜிபி
எக்ஸ்பேண்டபிள் மெமரி: 256 ஜிபி
பேட்டரி: 4000 mAh
கேமரா: 12 மெகா பிக்சல் பிரைமரி, 5 மெகா பிக்சல் செல்ஃபி
சென்சார்: சோனி IMX 486
வயர்லெஸ் எப்எம்.
ஃபேஸ் அன்லாக்
சென்சார்: வைப்ரேஷன் மோட்டார், பிராக்சிமிட்டி சென்சார், எலக்ட்ரானிக் காம்பஸ், லைட் சென்சார்