Xiaomi : வெறும் ரூ.10,600 க்கு 5G போன்! அதுவும் Redmi Note வரிசையில்!

சீனாவின் ஸ்மார்ட்போன் ஒழுங்குமுறை அமைப்பான 3சி (China Compulsory Certification) வலைத்தளம் வழியாக கிடைக்கப்பெற்றுள்ள பட்டியலின்படி, சியோமி நிறுவனத்தின் துணை பிராண்ட் ஆன ரெட்மி மற்றொரு 5ஜி ஸ்மார்ட்போன் சார்ந்த பணியில் ஈடுபட்டு வருகிறது.

மாடல் எண் M2002J9E என்கிற பெயரின் கீழ் காணப்படும் இந்த புதிய ஸ்மார்ட்போன் ரெட்மி நோட் வரிசையின் ஒரு பகுதியாக இருக்கும் என்றும் எதிர்பார்க்கப்படுகிறது. வெளியான பட்டியலில் 5ஜி இணைப்பிற்கான ஆதரவையும், சார்ஜ் வேகம் சார்ந்த சில விவரக்குறிப்புகளையும் நாம் காண முடிகிறது.

ஒன்பிளஸ் 8 ப்ரோ: எத்தனை கேமரா? என்ன விலை? எப்போது அறிமுகம்?

3C என்றும் அழைக்கப்படும் சீனா கட்டாய சான்றிதழ் இணையதளத்தில் உள்ள பட்டியலை நம்முடன் பகிர்ந்து கொண்டது ஜி.எஸ்.எம்.அரேனா வலைத்தளமாகும்.

இந்த ஸ்மார்ட்போன் 10.0VDC 2.25A சார்ஜிங்கிற்கான ஆதரவினை கொண்டு இருக்கும் என்றும் பட்டியலிடப்பட்டுள்ளது. அதாவது இது அதிகபட்சமாக 22.5W சார்ஜ் வேகத்தைக் குறிக்கிறது. இது தவிர்த்து இந்த ஸ்மார்ட்போனை பற்றிய வேறு எந்த தகவலும் கிடைக்கவில்லை.இருப்பினும் இந்த ஸ்மார்ட்போனின் விலை நிர்ணயம் பற்றய கணிப்புகள் எங்களிடம் உள்ளன.

சீன ஊடகத் தளமான வெய்போவில் நன்கு அறியப்பட்ட டிப்ஸ்டர் ஆன டிஜிட்டல் சாட் ஸ்டேஷனின்படி, சியோமி தனது ரெட்மி கே30 ஸ்மார்ட்போனை ஒரு புதிய 5ஜி ஸ்மார்ட்போனாக மாற்றலாம். இந்திய மதிப்பின்படி அதன் பேஸிக் மெமரி வேரியண்ட் ஆனது தோராயமாக ரூ.10,600 என்கிற புள்ளியில் தொடங்கி ரூ.15,900 க்குள் எங்காவது ஒரு புள்ளியை எட்டலாம்.

15 நொடிகளாக WhatsApp Video Status குறைக்கப்பட்டதின் "பகீர்" காரணம்!

இந்த அளவிலான விலை நிர்ணயம் உண்மையாகும் பட்சத்தில், சியோமி அதன் ஸ்மார்ட்போன் வரிசையில் அறிமுகம் செய்த மிகவும் மலிவான 5ஜி ஸ்மார்ட்போனாகவும், உலகின் மிகவும் மலிவான 5ஜி ஸ்மார்ட்போனாகவும் இது திகழும் என்பதில் சந்தேகமே வேண்டாம்.