காசு வாங்க முடிவு செய்த யு டியூப்!

யு டியூப் வீடியோ ஸ்ட்ரீமிங் நிறுவனம் தனது புதிய கட்டண சேவையைத் தொடங்க உள்ளது.

யு டியூப் நிறுவனம் உலகம் முழுவதும் இலவசமாக வீடியோ பகிரும் சேவையை வழங்கி வருகிறது. இந்நிலையில் திடீரென அதன் பார்வையாளர்களிடம் பணம் கறக்க அந்நிறுவனம் முடிவுகட்டிவிட்டதாக தகவல் கிடைத்துள்ளது.

விரைவில் யு டியூப் நிறுவனத்தின் பாடல்களுக்கான பிரத்யேக சேவை தொடங்கப்படும் என்றும் அதற்கு மாதம் தோறும் அல்லது ஆண்டு தோறும் சந்தா செலுத்தும் முறையும் உண்டு என்றும் கூறப்படுகிறது.

இதற்காக சோனி மியூசிக் என்டர்டெய்ன்மெண்ட், யுனிவெர்சல் மியூசிக் குரூப், மெர்லின் ஆகிய இசை வெளியீட்டு நிறுவனங்களிடம் யு டியூப் பேச்சுவார்த்தை நடத்துகிறது.

அடுத்த ஆண்டு மார்ச் மாதத்தில் யு டியூப் மியூசிக் என்ற பெயரில இது அறிமுகமாகலாம் என்று தெரிகிறது. யு டியூப் நிறுவனத்தின் வருகை ஏற்கெனவே முன்னணியில் இருக்கும் மியூசிங் ஸ்ட்ரீமீங் நிறுவனங்களான ஸ்பாட்டிஃபை, சவுண்ட் க்ளவுட் போன்றவற்றுக்உக போட்டியாக அமையும் என்று கருதப்படுகிறது.



ஏற்கெனவே, குறிப்பிட்ட வீடியோக்களை மட்டும் கட்டணம் செலுத்திப் பார்க்கும் யு டியூப் ரெட் (You Tube Red) என்ற சேவை கடந்த 2016ஆம் ஆண்டில் தொடங்கப்பட்டது நினைவுகூரத்தக்கது.