Google Tips: ஜிமெயிலில் Multiple Signatures எனும் புதிய அம்சம் அறிமுகம்; என்ன யூஸ்? ஆக்டிவேட் செய்வது எப்படி?

ஜிமெயிலுக்கான ஒரு புதிய அம்சத்தை கூகுள் உருவாக்கியுள்ளது, இந்த புதிய அம்சம் பயனர்களின் இமெயில்களில் Multiple signature-களை சேர்க்க (Add செய்ய) அனுமதிக்கிறது.

அதாவது இனிமேல் ஜிமெயில் பயனர்கள் வெவ்வேறு சூழ்நிலைகளுக்கு ஏற்ப வெவ்வேறு கையொப்பங்களை (Signatures) பயன்படுத்தலாம். இந்த அம்சம் அனைத்து ஜி சூட் வாடிக்கையாளர்களுக்கும் மற்றும் பெர்சனல் கூகுள் அக்கவுண்ட்களை கொண்ட பயனர்களுக்கும் கிடைக்கிறது.

புதிய வாட்ஸ்அப் டார்க் மோட்-ஐ எனேபிள் செய்ய தெரியவில்லையா? ரொம்ப சிம்பிள்!

இதற்கு முன்பு, ஜிமெயில் ஆனது ஒரு பயனருக்கு ஒரு கையொப்பத்தை (Signatures) மட்டுமே அனுமதித்தது என்பது இங்கே குறிப்பிடத்தக்கது.

ஜிமெயிலில் கிடைக்கும் இந்த புதிய அம்சத்திற்கு நீங்கள் அப்டேட் எதையும் செய்ய வேண்டாம், அது இயல்பாகவே கிடைக்கும். மல்டிபிள் சிக்னேசர்களை உருவாக்க விரும்பும் ஜிமெயில் பயனர்கள் கீழே கொடுக்கப்பட்டுள்ள எளிமையான வழிமுறையை பின்பற்றவும்.

-- ஜிமெயில் அக்கவுண்டில் காணப்படும் Settings (gear icon) விருப்பத்தை கிளிக் செய்யவும்.

-- பின்னர் General என்பதை தேர்வு செய்து அதனுள் காணப்படும் Signature எனும் விருப்பத்தை கிளிக் செய்யவும்.

-- பின்னர் Create New என்பதன் வழியாக நீங்கள் உங்களின் தேவைக்கேற்ப பல கையொப்பங்களை உள்ளிடலாம்.

-- வெவ்வேறு கையொப்பங்கள் அப்டேட் செய்யப்பட்டதும், Compose action toolbar இல் உள்ள Signature menu-வை திறப்பதின் வழியாக நீங்கள் அவைகளை எனேபிள் செய்ய முடியும்.

வெவ்வேறு டீம்கள், நிறுவனங்கள் அல்லது தயாரிப்பாளர்களுடன் தொடர்புகொள்பவர்களுக்கு மற்றும் வெவ்வேறு மொழிகளில் தொடர்புகொள்பவர்களுக்கு இந்த புதிய அம்சம் நிச்சயமாக உதவிகரமானதாக இருக்கும் என்று கூகுள் கூறியுள்ளது.

கூகுள் இந்த அம்சத்தை அனைத்து ஜிமெயில் பயனர்களுக்கும் வெளியிடத் தொடங்கியுள்ளது. ஆக இந்த அம்சம் உங்களுக்கு இன்னமும் கிடைக்கவில்லை என்றால் அடுத்த 15 நாட்களுக்குள் இது உங்களை வந்து சேர வேண்டும்.