IRCTC Mobile: மொபைல் வழியாக இரயில் டிக்கெட்டை முன்பதிவு செய்வது எப்படி?

பேருந்து கட்டணம் உயரத்தப்பட்டதில் (சிலர் இப்படி ஒரு சம்பவம் நடந்ததையே மறந்துவிட்டனர்!) இருந்து, மாதம் மூன்று முறை சொந்த ஊருக்கு சென்று வந்தவர்கள் எல்லாம், இப்போது மூன்று மாதங்களுக்கு ஒருமுறையாவது ஊருக்கு போவோமா என்கிற நிலைக்குள் தள்ளப்பட்டுள்ளனர்.

மறுகையில் விலைவாசி உயர்வு வேறு, நிலைமை இப்படியே தொடர்ந்தால், வேலை தேடி அல்லது படிப்பிற்காக பக்கத்து அருகாமை மாவட்டத்திற்கு சென்றவர்கள் கூட, சொந்த நாட்டிற்குள்ளேயே அகதிகளாக உருமாறினாலும் ஆச்சரியப்படுதற்கில்லை!

இப்படியானதொரு "பட்ஜெட் பத்மநாதன்" நிலைமையிலும் கூட, சிலர் வாராவாரம் சொந்த ஊருக்கோ அல்லது வெளியூருக்கோ போய் வருவதை நம்மால் பார்க்க முடிகிறது, வயிற்று எரிச்சலாக இருக்கும் அல்லவா?

ஒரு கிளாஸ் தண்ணீரை குடித்து விட்டு, படிப்பதை தொடருங்கள். அவர்கள் மட்டும் எப்படி வாராவாரம் ஊருக்கு போய்வர முடிகிறது என்கிற தந்திரத்தை உங்களுக்கும் கற்றுக்கொடுக்கிறோம்!

Delete செய்யப்பட்ட (அ) Save செய்யப்படாத Word Document-ஐ Recover செய்வது எப்படி?

அதொன்றும் பெரிய ரகசியமெல்லாம் இல்லை. அவர்கள் பெரும்பாலும் பேருந்துகளை தேர்வு செய்வதில்லை, மாறாக இரயில் பயணத்தை மேற்கொள்கின்றனர். பேருந்து கட்டணங்களுடன் ஒப்பிடுகையில், ரயில் கட்டணமானது மிகவும் குறைவு, அதனால் யாருடைய பட்ஜெட்டிலும் எந்த ஓட்டையும் விழாது!

இந்திய ரயில்வே கேட்டரிங் மற்றும் சுற்றுலா கார்ப்பரேஷன் எனப்படும் ஐ.ஆர்.சி.டி.சி ஆனது அதன் ஆப் வழியாக ஒரு சில நிமிடங்களில் இரயில் டிக்கெட்டுகளை முன்பதிவு செய்வதை உறுதி செய்துள்ளது.

ஐ.ஆர்.சி.டி.சி அக்கவுண்ட் எல்லாம் இருக்கிறது ஆனால் அதன் வழியாக எப்படி இரயில் டிக்கெட்களை முன்பதிவு செய்வது என்பது தான் புரியாத புதிராக இருக்கிறது என்றால், கவலையை விடுங்கள்! நீங்கள் சரியான இடத்தில் தான் இருக்கிறீர்கள்.

ஐபோன் பயனர்களே! Safari ப்ரவுஸரில் உள்ள இந்த சிக்கலை பற்றி உங்களுக்கு தெரியுமா?

ஸ்மார்ட்போன் அல்லது மொபைல் வழியாக இரயில் டிக்கெட்டை முன்பதிவு செய்வது எப்படி? என்பதை படிப்படியாக விளக்கியுள்ளோம். அதை பின்பற்ற உங்களாலும் எளிமையாக ட்ரெயின் டிக்கெட்களை புக் செய்ய முடியும்.

01. ஏற்கனவே இருக்கும் உங்களுடைய IRCTC யூஸர் ஐடி மற்றும் கடவுச்சொல்லை பயன்படுத்தி irctc.co.in/mobile என்கிற URL வழியாகவோ அல்லது IRCTC App வழியாகவோ Login செய்யவும்.

02. அங்கே Train Ticketing என்பதின் கீழே Plan my journey என்கிற ஒரு விருப்பத்தை காண்பீர்கள்.

03. இப்போது பயணம் மேற்கொள்ள போகும் தேதி, இரயிலின் விவரங்களை உள்ளிட்டு புக்கிங்கை தொடரவும்.

04. ஒருவேளை முன் எப்போதாவது புக்கிங் செய்ய முயற்சி செய்திருந்தால் (அல்லது செய்து இருந்தால்) ஏற்கனவே இருக்கும் பயணிகளின் விவரங்களை தேர்ந்து எடுக்கலாம் அல்லது பயணிகளின் விவரத்தை சேர்க்கவும் செய்யலாம்.

05. முன்பதிவு விவரங்களை உறுதிசெய்த பின்னர் க்ரெடிட் / டெபிட் கார்டு / யுபிஐ / பேடிஎம் என உங்களுக்கு வசதியான ஏதன் வழியாகவும் நீங்கள் பணம் செலுத்தலாம்.

பயன்படுத்தாமலேயே மொபைல் டேட்டா காலியாகிறதா? என்ன காரணம்? சரி செய்வது எப்படி?

ஒருமுறை உங்களின் முன்பதிவு வேலைகள் முடிந்ததும், PNR எண், இரயில் எண், பயண தேதி, வகுப்பு உள்ளிட்ட பயணம் சார்ந்த முழு விவரங்களை கொண்ட Reservation message ஒன்று வந்து சேரும். குறிப்பிட்ட பயணத்தின் போது உங்களுக்கு அனுப்பட்ட உறுதிப்படுத்தப்பட்ட டிக்கெட்டின் முன்பதிவு மெசேஜை காட்டினாலே போதுமானதாக இருக்கும்.