Offline-இல் Google Docs-ஐ பயன்படுத்த இப்படி ஒரு வழி இருக்கா? இது தெரியாம போச்சே!

ஆன்லைனில் டாக்குமண்ட்ஸ்களை உருவாக்கவும், அதை எடிட் செய்ய மற்றும் ஷேர் செய்ய கூகுள் Docs ஐ நாம் பயன்படுத்துகிறோம். இந்த கூகுள் Docs ஐ, ஆஃப்லைனிலும் பயன்படுத்த முடியும் என்பது உங்களுக்கு தெரியுமா? உங்களிடம் இண்டெர்நெட் இல்லாதபோது, ஏதாவது ஒரு டாக்குமண்டை நீங்கள் மாற்றவிரும்பினால், அதற்கும் கூகுள் Docs உதவும். ஸ்மார்ட்போன்கள் மற்றும் கம்ப்யூட்டர் என இரண்டிலுமே இதை ஆஃப்லைனில் பயன்படுத்தலாம். கூகுள் Docs ஐ ஆஃப்லைனில் எவ்வாறு பயன்படுத்துவது என அறிய தொடர்ந்து படியுங்கள்.

கம்ப்யூட்டரில், ஆஃப்லைனில் கூகுள் Docs-ஐ பயன்படுத்துவது எப்படி?

ஆஃப்லைனில் பயன்படுத்த, உங்கள் கம்ப்யூட்டரில் கூகுள் குரோம் மற்றும் குரோம் எக்‌ஷ்டன்சன் ஆகிய இரண்டும் இருக்க வேண்டும். பின் கீழ்கண்ட வழிமுறைகளை செய்யவும்

1. உங்கள் கம்ப்யூட்டரில், கூகுள் குரோம்-ஐ டவுண்லோட் செய்யவும்.

டெக் டிப்ஸ்: Microsoft Word-இல் உள்ள Transcribe அம்சத்தினை பயன்படுத்துவது எப்படி?

2. இப்போது குரோம் வெப்ஸ்டோரிலிருந்து, கூகுள் Docs ஆஃப்லைனுக்கான எக்‌ஷ்டன்சனை டவுண்லோட் செய்யுங்கள்.

3. இதற்கு பிறகு, புதிய டேபில் கூகுள் Docs ஐ ஓபன் செய்யுங்கள்.

4. பின் மெயின் பேஜில் உள்ள, ஹாம்பர்கர் ஐகானை அழுத்தவும்> செட்டிங்ஸ்க்கு சென்று> ஆஃப்லைனை செலக்ட் செய்யுங்கள்.

5. அவ்வளவுதான்! இப்போது இண்டெர்நெட் இல்லாதபோதும், குரோமில் கூகுள் டாக்ஸைத் ஓபன் செய்யலாம்.

6. ஏதாவது ஒரு குறிப்பிட்ட டாக்குமண்டை நீங்கள் ஆஃப்லைனில் பயன்படுத்த விரும்பினால், அந்த டாக்குமண்டுக்கு அருகிலுள்ள மூன்று புள்ளிகள் ஐகானை அழுத்தி ஆஃப்லைனை தேர்ந்தெடுங்கள்

ஸ்மார்ட்போனில், ஆஃப்லைனில் கூகிள் Doc-ஐ பயன்படுத்துவது எப்படி?

மேற்கண்ட செயல்முறையை நீங்கள் ஸ்மார்ட்போன்களின் வழியாகவும் செய்யல, இந்த வழிமுறையும் சுலபம் தான்!

1. உங்கள் ஸ்மார்ட்போனில் கூகுள் Docs அப்ளிகேஷனை முதலில் டவுண்லோட் செய்து கொள்ளுங்கள். இந்த அப்ளிகேஷன் ஆப் ஸ்டோர் மற்றும் கூகுள் ப்ளே ஸ்டோர் என இரண்டிலுமே இருக்கும்.

2. பின் அப்ளிகேஷனை திறந்து> ஹாம்பர்கர் ஐகானைத் செலக்ட் செய்து> செட்டிங்ஸை செலக்ட் செய்யுங்கள்.

3. அடுத்த ஸ்கீரினில், டாக்குமண்ட்களை ஆஃப்லைனில் பயன்படுத்துவதற்கு என்று உள்ள ஆப்ஷனை செலக்ட் செய்யுங்கள்.

Zoom வீடியோ காலில் அழகாக தெரிவது எப்படி? அட இது தெரியாம போச்சே!

4. ஏதாவது ஒரு குறிப்பிட்ட டாக்குமண்டை நீங்கள் ஆஃப்லைனில் பயன்படுத்த விரும்பினால், அந்த டாக்குமண்டுக்கு அருகிலுள்ள மூன்று புள்ளிகள் ஐகானை அழுத்தி ஆஃப்லைனை தேர்ந்தெடுங்கள். இப்போது ஒரு வட்டத்திற்குள் ஒரு குட்டி மார்க் கொண்ட ஷிம்பலை நீங்கள் டாக்குமண்டுக்கு அடுத்து பார்க்கலாம். உங்கள் ஃபைல் இப்போது ஆஃப்லைனில் கிடைக்கிறது என்பதை தான் இது குறிக்கும்.

இதுதான் ஆஃப்லைனில் கூகுள் Docs ஐ பயன்படுத்தும் முறைகள் ஆகும். ஆஃப்லைனில் நீங்கள் எடிட் போன்று எந்த மாற்றங்கள் செய்தாலும், மறுபடியும் உங்களுக்கு இண்டெர்நெட் கிடைக்கும் போது, எல்லாம் தானாகவே சேவ் ஆகிவிடும்.