iPhone அல்லது iPad-ல் Dark Mode-ஐ எனேபிள் செய்வது எப்படி?

நீண்ட காலமாக, டார்க் மோட் வேண்டும் என்கிற கூச்சலானது ஆப்பிள் கோட்டையிலும் ஒலித்து வந்தது. அதற்கு செவி சாய்க்கும் வண்ணம் ஆப்பிள் நிறுவனம் அதன் ஐஓஎஸ் 13 அப்டேட் வழியாக அதன் பயனர்களுக்கு டார்க் மோட் அம்சத்தினை கொண்டு வந்துள்ளது.

ஒருவேளை நீங்கள் ஐஓஎஸ் 13 அப்டேட்டை பெறவில்லை என்றால், அதை டவுன்லோட் செய்து இன்ஸ்டால் செய்வது எப்படி என்கிற எங்களது கட்டுரையை படிக்கவும். ஏற்கனவே இன்ஸ்டால் செய்தாகி விட்டது என்றால், அதில் டார்க் மோட் அம்சத்தினை எனேபிள் செய்வது எப்படி என்பதை அறிய தொடர்ந்து படிக்கவும்.

ஐபாட் அல்லது ஐபோனில் டார்க் மோடை எனேபிள் செய்வது மிகவும் எளிதான காரியம் ஆகும். ஒருமுறை நீங்கள் இந்த டார்க் மோடை இயக்கியவுடன், iOS-ல் பயன்படுத்தப்படும் பிரதான ஒளி பின்னணி வண்ணங்கள் ஆனது இருட்டாக மாறும். ஐஓஎஸ் 13 கொண்டு இயங்கும் ஆப்பிள் சாதனங்களுக்கு மட்டுமே இந்த இருண்ட பயன்முறை கிடைக்கிறது என்பதை மீண்டும் வலியுறுத்த விரும்புகிறோம்.

சரி, இதை எவ்வாறு இயக்குவது என்பதை அறிய கீழ் தொகுக்கப்பட்டுள்ள எளிய வழிமுறைகளை பின்பற்றவும். ஐஓஎஸ் 13 கொண்டு இயங்கும் உங்கள் ஆப்பிள் சாதனத்தில் டார்க் மோடை இயக்க இரண்டு எளிய வழிகள் உள்ளன. ஒன்று நீங்கள் செட்டிங்ஸ் வழியாக அதை நிகழ்த்தலாம் அல்லது கண்ட்ரோல் சென்டர் வழியாக அதை இயக்கலாம்.

உங்கள் iPhone அல்லது iPad-ல் Settings வழியாக Dark mode-ஐ எனேபிள் செய்வது எப்படி?

01. உங்களின் ஐஓஎஸ் சாதனத்தில் உள்ள Settings-ஐ திறக்கவும்.

02. கீழே ஸ்க்ரோல் செய்து Display & Brightness என்கிற விருப்பத்தை டேப் செய்யவும்.

03. அடுத்த ஸ்க்ரீனில், Appearance என்பதின் கீழ் நீங்கள் விருப்பங்களை காண்பீர்கள்: Light மற்றும் Dark.

04. அதில் Dark என்பதை தேர்வு செய்யவும், அவ்வளவுதான்.

05. ஒருவேளை குறிப்பிட்ட ஒளிநிலைமைகளுக்கு ஏற்ப Automatic ஆக Dark mode-ற்க்கு மாற வேண்டும் என்றால், அதே பக்கத்தில் உள்ள Automatic எனும் விருப்பத்தை டேப் செய்யவும்.

06. பின்னர் Options என்பதை கிளிக் செய்ய, Sunset to Sunrise அல்லது custom schedule விருப்பங்கள் அணுக கிடைக்கும். தேவைக்கேற்ப Light அல்லது Dark mode-ஐ எனேபிள் செய்து கொள்ளவும்.

YouTube Recommendations: அட! இதுதான் மேட்டரா? இத்தனை நாளாய் இது தெரியாம போச்சே!

உங்கள் iPhone அல்லது iPad-ல் Control Centre வழியாக Dark mode-ஐ எனேபிள் செய்வது எப்படி?

01. உங்கள் ஐஓஎஸ் சாதனத்தில் உள்ள Control Centre-ஐ திறக்கவும். ஹோம் ஸ்க்ரீனில் கீழ் இருந்து மேல் பக்கமாக ஸ்வைப் செய்வதின் வழியாக கூட நீங்கள் இதை திறக்கலாம்.

02. Brightness indicator ஆனது பெரிதாகும் வரை டேப் செய்து ஹோல்ட் செய்யவும்.

03. இப்போது கீழேயுள்ள Appearance Dark என்பதை டேப் செய்யவும். பின்னர் அதை வெறுமனே ஆன் செய்யவும், அவ்வளவுதான்!

WhatsApp Fingerprint Lock அம்சத்தை Android மற்றும் iOS-ல் ஆக்டிவேட் செய்வது எப்படி?

உங்கள் iPhone அல்லது iPad-ல் Siri வழியாக Dark mode-ஐ எனேபிள் செய்வது எப்படி?

01. ஹோம் பொத்தானை லாங் பிரஸ் செய்து அல்லது Hey, Siri என்று கூறி சிரியை எழுப்பவும்.

02. இப்போது Turn on dark mode என்று கூறவும், அவ்வளவுதான்.

03. ஒருவேளை நீங்கள் dark mode-ஐ ஆஃப் செய்ய விரும்பினால், வெறுமனே Turn off dark mode என்று கூறவும், அவ்வளவுதான்.

மேலே கூறப்பட்டுள்ள எளிய முறைகளைப் பின்பற்றுவதன் மூலம், iOS 13 கொண்டு இயங்கும் நீங்கள் உங்களின் ஆப்பிள் சாதனத்தில் டார்க் மோடை செயல்படுத்த அல்லது செயலிழக்கச் செய்ய முடியும்.