ஜூம் வீடியோ காலில் அழகாக தெரிவது எப்படி? அட இது தெரியாம போச்சே!

வேலை சார்ந்த அல்லது ஆன்லைன் கல்விக்காக நீங்கள் ஜூம் வீடியோ கான்பரன்சிங் தளத்தை பயன்படுத்துகிறீர்கள் என்றால், உங்கள் வீடியோ கான்பரன்சிங் அனுபவத்தை மேம்படுத்த நீங்கள் நிச்சயமாக தெரிந்து கொள்ள வேண்டிய ஒரு ரகசியமான அம்சம் உள்ளது. அதுதான் ஜூம் ஆப்பில் உள்ள "டச் அப்" அம்சம்; இந்த அம்சத்தின் பயன் என்ன? இதை பயன்படுத்துவது எப்படி? வாருங்கள் பார்க்கலாம்!

டெக் டிப்ஸ்: Microsoft Word-இல் உள்ள Transcribe அம்சத்தினை பயன்படுத்துவது எப்படி?

கொரோனா வைரஸின் விளைவாக பூதாகரமாக ஹிட் அடித்த ஜூம் ஆப் போன்ற வீடியோ கான்பரன்சிங் உங்களுக்குப் பழக்கமில்லை என்றால் ஆரம்பத்தில் கொஞ்சம் மோசமாகத்தான் இருக்கும், குறிப்பாக நீங்கள் கேமராவை ஆன் செய்து வைத்துவிட்டு வீடியோ கான்பரன்சிங் காலில் இருக்கும் போது!

ஆனால் ஜூம் தளத்தில் உள்ள நல்ல செய்தி என்னவென்றால், ஜூமில் ஒரு பில்டர் உள்ளது மற்றும் அது உங்கள் தோற்றத்தை மெருகூட்டுகிறது. எனவே நீங்கள் ஜூம் வீடியோகாலில் கொஞ்சம் சங்கோஜமாக உணர்ந்தால், இந்த அம்சம் நிச்சயமாக உங்களுக்கு கூடுதல் நம்பிக்கையைத் தரும்.

ஜூமில் உள்ள டச் அப் அம்சத்தின் பெயர் டச் அப் மை அப்பியரன்ஸ் (Touch Up My Appearance) ஆகும். இது உங்களின் டிஸ்பிளேவிற்கு சாப்ட் போக்கஸை வழங்கும். அதன் விளைவாக உங்கள் முகம் ஏர்பிரஷ் செய்யப்பட்டது போல மென்மையாக காட்சிப்படும். உடனே இந்த அம்சத்தினை டெஸ்ட் செய்து பார்க்க ஆர்வமாக உள்ளீர்களா?

அதை செய்வது எப்படி என்கிற எளிய வழிமுறைகள் இதோ:

- உங்கள் மேக் அல்லது விண்டோஸ் கம்ப்பியூட்டரில் ஜூமை திறக்கவும்.
- ஹோம்பேஜில், மேல் வலது மூலையில் உள்ள செட்டிங்ஸ்-க்கான கியர் ஐகானைக் கிளிக் செய்யவும்.
- பின்னர் Video எனும் விருப்பத்தை கிளிக் செய்யவும்.
- பின்னர் My Video என்பதை கண்டுபிடித்து, அதனுள் சென்று "Touch Up My Appearance"என்கிற விருப்பத்தை கிளிக் செய்யவும், அவளவுதான்.

ட்ரூ காலரில் இருந்து உங்கள் மொபைல் நம்பரை டெலிட் செய்வது எப்படி? இத்தனை நாளாய் இது தெரியாம போச்சே?

நீங்கள் ஏற்கனவே ஒரு மீட்டிங்கில் இருந்தாலும் கூட, டிஸ்பிளேவின் அடிப்பகுதியில் உள்ள வீடியோ கேமரா ஐகானுக்கு அடுத்த உள்ள மேல் அம்புக்குறியை கிளிக் செய்வதின் வழியாகவும் நீங்கள் இந்த அம்சத்தினை அணுகலாம். அதற்கு வீடியோ கேமரா ஐகானில் உள்ள அப் ஏரோவை கிளிக் செய்து, மேலே கொடுக்கப்பட்டுள்ள அதே வழிமுறைகளை பின்பற்றவும்.