Live Location : இனிமே WhatsApp வழியா வேண்டாம், Google Maps வழியா அனுப்புங்க!

பேஸ்புக்கிற்கு சொந்தமான வாட்ஸ்அப் தனது புதிய தனியுரிமைக் கொள்கையை அறிவித்ததிலிருந்து, அதன் போட்டி (அல்லது மாற்று) ஆப்களான டெலிகிராம் மற்றும் சிக்னல் போன்றவற்றின் மீது மக்கள் ஆர்வம் காட்டி வருகிறார்கள்.

முக்கியமாக இந்த மூன்று ஆப்களில் எது பெஸ்ட்? எது பாதுகாப்பானது? எது மற்றொன்றை விட அதிக நன்மைகளை வழங்குகிறது? போன்ற கேள்விகளும் தேடல்களும் அதற்கான பதில்களும் இன்னும் ஓய்ந்தபாடில்லை.

எப்படி பார்த்தாலும் யாருமே வாட்ஸ்அப்பை அவ்வளவு சீக்கிரமாக "தூக்கி போட்டு" விடுவதாய் தெரியவில்லை.

சட்டென்று அனுப்பும் வாய்ஸ் மெசேஜ், நொடிகளுக்குள் பகிரும் லைவ் லோக்கேஷன், குறிப்பாக 24 மணிநேரத்திற்குள் தானாகவே மறையும் ஸ்டேட்டஸ் (வாட்ஸ்அப் ஸ்டோரீஸ்) போன்ற பல அம்சங்களுக்கு பலரும் "அடிமையாகிவிட்டதால்" வாட்ஸ்அப்பை குறை சொல்ல முடிகிறதே தவிர, அன்இன்ஸ்டால் செய்ய இன்னமும் தயக்கம் நிலவுகிறது.

டெலிகிராமில் Sent பட்டனுக்குள் ஒளிந்திருக்கும் "சைலன்ட்" ஆன அம்சம்; யாருக்கெல்லாம் தெரியும்?

ஒருவேளை மேற்கண்ட அம்சங்களில், லைவ் லோக்கேஷனையே அதிகம் பயன்படுத்தும் பழக்கம் உங்களுக்கு இருந்தால், அதே சமயம் வாட்ஸ்அப்பை "கழட்டிவிட" தயக்கம் காட்டினால், உங்களுக்கு ஒரு சின்ன மாற்று யோசனை இதோ!

பயனர்கள் தங்கள் நிகழ்நேர இருப்பிடத்தை ஒரு குறிப்பிட்ட காலத்திற்கு மற்றவர்களுடன் பகிர்ந்து கொள்ள அனுமதிக்கும் அம்சம் வாட்ஸ்அப்பிடம் மட்டும் அல்ல, கூகுள் மேப்ஸிலும் இருக்கிறது.

பெரும்பாலான ஸ்மார்ட்போன் பயனர்கள் கூகுள் மேப்ஸை கிட்டத்தட்ட அனுதினமும் தவறாமல் பயன்படுத்துவதால், இந்த ஆப் வழியாக லைவ் லோக்கேஷன் அம்சத்தைப் பயன்படுத்துவது மிகவும் அர்த்தமுள்ளதாகவே இருக்கும் (இதற்காக ஒரு ஆப்பை டவுன்லோட் செய்ய வேண்டியதில்லை, ஏற்கனவே மொபைலில் இருக்குமொரு ஆப் தான்)

Google Maps வழியாக உங்கள் நிகழ்நேர இருப்பிடத்தை மற்றவர்களுடன் பகிர்ந்து கொள்வது எப்படி என்கிற எளிய வழிமுறைகள் இதோ:

01. கூகுள் மேப்ஸ் ஆப்பை திறந்து சைன்-இன் செய்யவும்.

02. பின்னர் ஆப்பின் மேல் வலது மூலையில் உங்கள் ப்ரொபைல் படத்தை கிளிக் செய்யவும்.

03. அங்கே Location sharing என்கிற விருப்பத்தை காண்பீர்கள், அதை கிளிக் செய்யவும்.

4. இப்போது உங்கள் லோக்கேஷனை பகிர விரும்பும் நபரின் ப்ரொபைலை கிளிக் செய்யவும், அவ்வளவுதான் உங்கள் லைவ் லோக்கேஷன் குறிப்பிட்ட நபருக்கு அனுப்பப்படும்.

05. இப்போது Can See Your Location என்கிற டேப்-இன் கீழ் உங்கள் லோக்கேஷனை நீங்கள் எவ்வளவு நேரத்திற்கு பகிர விரும்புகிறீர்கள் என்பதையும் தேர்வு செய்யலாம், அல்லது உடனடியாக ஸ்டாப் கூட செய்யலாம்.

டெலிகிராம் பற்றி அதிகம் கேட்கப்படும் 7 கேள்விகளும், அதற்கான பதில்களும்!

இது தவிர்த்து, Copy to clipboard என்கிற விருப்பத்தின் வழியாக, உங்கள் இருப்பிடத்திற்கான Link-ஐ காப்பி செய்து, அதை டெக்ஸ்ட் அல்லது மின்னஞ்சல் அல்லது பிற மெசேஜிங் ஆப் வழியாக கூட (பேஸ்ட் செய்து) அனுப்பலாம்.