Facebook-ல் உள்ள Facial Recognition அம்சத்தினை முடக்குவது எப்படி?

கவனித்து இருக்கிறீர்களா? நீங்கள் Faceboook-ல் பதிவிட்ட ஒரு புகைப்படமானது, நீங்கள் உங்களின் நண்பர்களை Tag செய்வதற்கு முன்பே, தானாகவே அவர்களை அடையாளம் கண்டுபிடித்து Automatic ஆக டேக் செய்து இருக்கும் அல்லது பரிந்துரைக்கும்.

அதெப்படி என்று யோசித்து இருக்கிறீர்களா? குறிப்பிட்ட புகைப்படத்தில் யார் இருக்கிறார்கள் என்பதை ஃபேஸ்புக்கால் எப்படி ஸ்கேன் செய்ய முடிகிறது என்பதை நினைத்து அச்சப்பட்டுள்ளீர்களா? ஒருவேளை "இல்லை - இல்லை" என்பது தான் உங்களின் பதிலாக இருப்பின், முதலில் நாங்கள் உங்களை எச்சரிக்க விரும்புகிறோம், பின்னர் ஒரு தந்திரத்தை கற்றுக்கொடுக்கவும் விரும்புகிறோம்.

மேலே கேட்கப்பட்ட அனைத்து கேள்விகளுக்குமான ஒரே பதில் - Facial Recognition எனும் முக அங்கீகார அம்சம் ஆகும். இந்த அம்சத்தின் வழியாகத்தான் ஃபேஸ்புக் நமது முக அடையாளங்களை ஸ்கேன் செய்கிறது.

OnePlus ஸ்மார்ட்போனில் இருக்கும் Hidden Wallpapers-ஐ Unlock செய்வது எப்படி?

எந்தவொரு நவீன கால தொழில்நுட்பத்திற்கு பின்னாலும் ஏதோவொரு ஆபத்து இருப்பது போல, Facial Recognition எனும் அம்சத்திலும் சில ஆபத்துக்கள் உள்ளன. அவைகளில் ஹேக்கிங் மற்றும் ஸ்பூஃப்பிங் ஆகியவைகளை குறிப்பிட்டு சொல்லலாம்.

நமது முகங்களை ஸ்கேன் செய்யும் அளவிலான "பாதுகாப்பு ஓட்டைகளை" கொண்ட ஃபேஸ்புக், சமீபத்தில் அந்த ஓட்டையை அடைக்க உதவும் "களிமண்ணையும்" நமக்கு கொடுத்தது. அதாவது உங்களுக்கு விருப்பம் இல்லாத பட்சத்தில் நீங்கள் ஃபேஸ்புக்கின் முக அங்கீகாரத்தை "ஆஃப்" செய்து வைக்கும் விருப்பத்தை நமக்கு கொடுத்துள்ளது. அதை நிகழ்த்த, பின்வரும் எளிய வழிமுறைகளை நீங்கள் கையாளவும்:



01. ஃபேஸ்புக் ஆப்பை திறக்கவும்.

02. மெனு பொத்தானை கிளிக் செய்யவும் (மேல் வலது மூலையில் காணப்படும் மூன்று கோடுகள் ஐகான்)

03. கீழ்நோக்கி ஸ்க்ரோல் செய்து Settings & Privacy-ஐ கிளிக் செய்யவும்.

04. அதில் Privacy Shortcuts என்பதை தேர்ந்து எடுக்கவும்.

05. பின்னர் அதனுள் Control Face Recognition என்பதை கிளிக் செய்யவும்.

06. அங்கே Do you want Facebook to be able to recognize you in photos and videos? என்கிற விருப்பத்தினை
காண்பீர்கள்.

07. அதை கிளிக் செய்து, Yes என்று இருப்பதை No என்று மாற்றிக்கொள்ளவும், அவ்வளவுதான்!

மொபைல் ஆப் வழியாக இல்லாமல் டெக்டாப் வழியாக இதை நிகழ்த்த முடியுமா?

ஒருவேளை நீங்கள் உங்களின் டெஸ்க்டாப் ப்ரவுஸர் வழியாக இதை நிகழ்த்த விரும்பினால், Settings page-க்குள் நுழைந்து Face Recognition என்பதை கிளிக் செய்யவும். அதனுள் No என்பதை தேர்ந்தெடுக்கவும், அவ்வளவுதான்!

Android 10 அப்டேட்டை கண்டுபிடிப்பது எப்படி? அதை INSTALL செய்வது எப்படி?

இனிமேல் ஃபேஸ்புக் உங்கள் புகைப்படங்களை அதன் முக அங்கீகார தொழில்நுட்பத்தின் உதவியுடன் ஸ்கேன் செய்யாது. இதனால் உங்களின் புகைப்படங்களில் நீங்கள் உங்கள் நண்பர்களை டேக் செய்ய முடியாது என்று அர்த்தமல்ல, வழக்கம் போல டேக் செய்யலாம் ஆனால் ஃபேஸ்புக் உங்களுக்கு எந்தவிதமான பரிந்துரைகளையும் வழங்காது, கைமுறையாக நீங்கள் டேக் செய்ய வேண்டும்!