Google Maps இல் அறிமுகமாகியுள்ள Incognito Mode ஐ Turn On செய்வது எப்படி?

அமெரிக்காவை தளமாக கொண்ட உலகின் மாபெரும் தேடுபொறி நிறுவனமான கூகுள், அதன் ஆண்ட்ராய்டு பதிப்பிலான கூகுள் மேப்ஸ் ஆப்பில் இன்காக்னிட்டோ மோட் பயன்முறையை உருட்ட தொடங்கி உள்ளது.

இந்த புதிய பயன்முறை ஆனது நான்கு மாதங்களுக்கு முன்பு கூகுள் ஐஓ-வில் அறிவிக்கப்பட்டது. தற்போது உலகளவில் ஸ்மார்ட்போன்களில் தரையிறங்க தொடங்கியுள்ளது.

இன்காக்னிட்டோ மோட் என்றால் என்ன?

பெரும்பாலான கூகுள் க்ரோம் பயனர்களுக்கு இன்காக்னிட்டோ மோட் என்றால் என்ன என்பது பற்றிய அறிமுகமோ, விளக்கமோ தேவைப்படாது என்று நம்புகிறோம். இருப்பினும் அறியாதோர்க்கு சொல்ல வேண்டியது எங்களின் கடமை அல்லவா? சுருக்கமாக சொன்னால் - இன்காக்னிட்டோ மோட் என்பது ஒரு ப்ரைவேட் ப்ரவுஸர் ஆகும். அதாவது இது உங்கள் மொபைல் அல்லது கணினியின் வழியாக நீங்கள் நிகழ்த்தும் உலாவல்களுக்கான ப்ரவுஸிங் ஹிஸ்டரியை "சேமிக்காது".

இனிமேல் கஸ்டமர்களால் இந்த "நன்மையை" அனுபவிக்க முடியாது; ஷாக் கொடுத்த ஏர்டெல்!

கூகுள் மேப்ஸில் இதன் நன்மை என்ன?

தற்போது இந்த பயன்முறையானது கூகுள் மேப்ஸ் இல் அறிமுகம் ஆகியுள்ளது. நீங்கள் இந்த இன்காக்னிட்டோ மோட் பயன்முறையை எனேபிள் செய்யும் பட்சத்தில் உங்களின் மேப்ஸ் நேவிகேஷன் மற்றும் சர்ச் ஆனது அக்கவுண்டில் சேமிக்கப்படாது மற்றும் உங்களின் தேடல் சார்ந்த ஹிஸ்டரி ஆனதும் Recommendations பிரிவின் கீழ் பிரதிபலிக்காது.

இன்னும் சிம்பிள் ஆக சொன்னால், அதாவது நீங்கள் இந்த "மறைநிலை" பயன்முறையை இயக்கும்போது, நீங்கள் தேடும் இடங்கள் மற்றும் அது சார்ந்த செயல்பாடுகள் எதுவுமே உங்களின் Google அக்கவுண்டில் சேமிக்கப்படாது. ஆப்பில் இயக்கப்படும் இந்த இன்காக்னிட்டோ மோட் ஆனது கூகுள் மேப்ஸில் நீங்கள் வழக்கமாக நிகழ்த்தும் எந்தவொரு செயல்பாடுகளையும் (எடுத்துக்காட்டிற்கு குரல் தேடல்கள்) பாதிக்காது" என்று கூகுள் விளக்கமளித்துள்ளது.

WhatsApp New Feature: Android இல் அறிமுகமானது ஃபிங்கர்பிரிண்ட் லாக்; Enable செய்வது எப்படி?

யாருக்கெல்லாம் அணுக கிடைக்கும்?

இந்த புதிய அப்டேட் ஆனது கூகுள் மேப்ஸ் 10.26 அல்லது அதற்கு மேற்பட்ட வெர்ஷன்களின் கீழ் அணுக கிடைக்கிறது. உங்களுக்கும் இது அணுக கிடைத்தால், உடனே கூகுள் மேப்ஸ் ஆப்பை அப்டேட் செய்யுங்கள். பின்னர் இந்த புதிய இன்காக்னிட்டோ மோடை எனேபிள் செய்ய கீழே தொகுக்கப்பட்டுள்ள எளிய வழிமுறைகளை பின்பற்றவும்:

ஆன் செய்வது எப்படி?

- சமீபத்திய வெர்ஷனை அப்டேட் செய்த பின்னர், உங்களின் ஸ்மார்ட்போனில் உள்ள கூகுள் மேப்ஸ் ஆப்பை திறக்கவும்.

(ஒருவேளை நீங்கள் உங்களின் கூகுள் அக்கவுண்ட் உடன் கூகுள் மேப்ஸை இணைக்காமல் இருந்தால், இணைத்துக்கொள்ளவும். ஏனெனில் உங்களின் கூகுள் அக்கவுண்ட் உடன் லின்க் செய்யப்பட்ட கூகுள் மேப்ஸ் தான் இன்காக்னிட்டோ மோட் பயன்முறையை அணுக வழிவகுக்கும். ஏற்கனவே இணைக்கப்பட்டுள்ளது என்றால் அடுத்த வழிமுறையை தொடரவும்)

- இப்போது ஆப்பின் வலது மூலையில் காட்சிப்படும் உங்களின் ப்ரொபைலை கிளிக் செய்யவும்.

- இதை நிகழ்த்த நீங்கள் உங்களின் கூகுள் அக்கவுண்ட் (இமெயில் முகவரி) சார்ந்த விவரங்களை காண்பீர்கள். அதற்கு கீழே ஏற்கனவே ஆப்பில் அணுக கிடைக்கும் Add Another Account எனும் விருப்பத்தின் மேலே Turn On Incognito Mode எனும் புதிய விருப்பத்தை நீங்கள் காண்பீர்கள்.

- அதை கிளிக் செய்ய இன்காக்னிட்டோ மோடின் லோகோ ஆனது ஒரு வினாடிக்கு காட்சிப்பட்டு பின்னர் Incognito Mode-ன் விளக்கவுரை ஒன்று காட்சிப்படும். நீங்கள் Learn More ஐ கிளிக் செய்து, அதைப்பற்றி அதிகமாகவும் அறிந்து கொள்ளலாம் அல்லது வெறுமனே Close செய்யலாம்.

- ஒருமுறை நீங்கள் Close என்பதை கிளிக் செய்யவும், உங்களின் கூகுள் மேப்ஸில் Incognito Mode ஆனது எனேபிள் ஆகியிருக்கும். முன்னதாக உங்களின் ப்ரொபைல் ஐகான் இருந்த இடத்தில் Incognito Mode லோகோ இருப்பதை காண்பீர்கள் மற்றும் கூகுள் மேப்ஸில் வழக்கமாக Your Location என்பது நீல நிறத்திலான சிறிய வட்ட வடிவில் காட்சிப்படுத்தப்படும் அல்லவா? அது தற்போது கருப்பாக காட்சிப்படும்.

ரூ.10,000 க்குள் இதைவிட சிறந்த பட்ஜெட் ஸ்மார்ட்போன்கள் கிடைக்காது!

சரி, இதை ஆஃப் செய்வது எப்படி?

ரொம்ப சிம்பிள்! கூகுள் மேப்ஸில் உள்ள சர்ச் பாரை கிளிக் செய்யுங்கள். அதற்கு கீழே Turn Off Incognito எனும் விருப்பத்தை காண்பீர்கள். அதை வெறுமனே கிளிக் செய்ய உங்களின் ப்ரொபைல் ஐகான் ஆனது ஒரு வினாடிக்கு காட்சிப்படும், பின்னர் கூகுள் மேப்ஸ் அதன் சாதாரண நிலைக்கு திரும்பும்.

அல்லது சர்ச் பார் அருகில் காட்சிப்படும் இன்காக்னிட்டோ மோட் ஐகானை கிளிக் செய்ய Turn Off Incognito Mode எனும் விருப்பம் அணுக கிடைக்கும், அதையும் நீங்கள் பயன்படுத்தலாம்.