Instagram-ல் அறிமுகமானது Music Sticker அம்சம்; பயன்படுத்துவது எப்படி?

ஒருவழியாக, இந்திய இன்ஸ்டாகிராம் மற்றும் ஃபேஸ்புக் பயனர்களால் மிகவும் எதிர்பார்க்கப்பட்ட Music அம்சம் அறிமுகம் ஆகியுள்ளது. இந்த புதிய ம்யூசிக் அம்சம் ஆனது பயனர்கள் தங்களுக்கு விருப்பமான பாடலை இன்ஸ்டாகிராம் அல்லது பேஸ்புக் ஸ்டோரியில் பதிவிட அனுமதிக்கிறது.

கூடுதல் ஸ்பெஷலாக இந்திய பயனர்களுக்கு ஒரு தனி "மியூசிக் ஸ்டிக்கர்" அம்சமும் கிடைக்கிறது, இது பிடித்த பாடல்களை மட்டுமின்றி, பேஸ்புக் மற்றும் இன்ஸ்டாகிராம் ஸ்டோரியில் ஒரு படத்தை வைக்கவும் உடன் அந்த ஸ்டோரியை பிரதிபலிக்கும் வகையில் தேர்ந்தெடுக்கப்பட்ட பாடலின் வரிகளை வைக்கவும் உங்களுக்கு வாய்ப்பளிக்கும்.

பார்த்த உடனேயே இது Fake App என்று கண்டுபிடிப்பது எப்படி?

உங்களுக்கு தேவையான பாடலை, "Popular", "Moods" மற்றும் "Genre" என்று மூன்று பொதுவான வகைகளின் கீழ் பிரிக்கப்பட்டு இருக்கும் எக்கச்சக்கமான பாடல்களில் இருந்து தேர்வு செய்து கொள்ளலாம்.

அல்லது மேலே காட்சிப்படும் search bar வழியாகவும் நீங்கள் பாடல்களை தேர்வு செய்யலாம். உங்கள் ஸ்டோரியில் சேர்க்க ஒரு பாடலைத் தேர்வுசெய்யும்போது, அந்த பாடலின் 15 வினாடிகளை மட்டுமே உங்களால் பதிவிட முடியும் என்பதை நினைவில் கொள்ளவும்.

இருப்பினும், ஸ்டோரியில் நீங்கள் சேர்க்க விரும்பும் பாடலின் எந்தப் பகுதியை வேண்டுமானாலும் நீங்கள் தேர்வு செய்யலாம். இது பயன்படுத்த மிகவும் வேடிக்கையான ஒரு அம்சமாகும், எனவே இதை எவ்வாறு பயன்படுத்துவது என்பதை விரைவாக பார்ப்போம்.

அடச்சே! இப்படியொரு Gmail தந்திரம் இருப்பது நமக்கு தெரியாமல் போச்சே!


Instagram Music Sticker-ஐ பயன்படுத்த கீழே தொகுக்கப்பட்டுள்ள எளிய வழிமுறைகளை பின்பற்றவும்:

01. உங்களின் Instagram camera-வை திறக்கவும்.

02. ஒரு புகைப்படத்தை கிளிக் செய்யவும் அல்லது தேவையான படத்தை அப்லோட் செய்யவும்.

03. இப்போது Swipe up செய்து காட்சிப்படும் Music sticker-ஐ டேப் செய்யவும்.

04. பின்னர் உங்கள் விருப்பத்திற்கு ஏற்ப ஒரு பாடலை தேர்வு செய்யவும்.

05. உங்களால் தேவைக்கேற்ப Font, பாடல் வரிகளுக்கான Colour மற்றும் பாடலின் எந்த பகுதியை நீங்கள் ஸ்டோரியாக்க விரும்புகிறீர்கள் போன்ற அனைத்தையுமே செய்ய முடியும்.

06. எல்லா வேலைகளையும் முடித்ததும் வலது மூலையில் உள்ள Done என்பதை கிளிக் செய்யவும்.

07. இப்போது குறிப்பிட்ட பாடலின் lyrics-ஐ புகைப்படத்தில் தேர்வு செய்யப்பட்ட இடத்தில் வைக்கவும், அவ்வளவுதான்!

இதை நீங்கள் இன்ஸ்டாகிராம் கேமராவைத் திறக்கும்போது கீழே கிடைக்கும் "மியூசிக்" விருப்பத்தின் மூலமாகவும் செய்யலாம், ஒரே ஒரு வித்தியாசம் என்னவென்றால், இதைப் பயன்படுத்துவதன் மூலம், நீங்கள் குறிப்பிட்ட இசையை ஸ்டோரியில் வைக்கலாம், ஆனால் பாடல் வரிகளை சேர்க்க முடியாது.

நம்மில் எத்தனை பேருக்கு இந்த இரண்டு Google Maps "தந்திரங்களையும்" தெரியும்! (பாகம் 1)

இன்ஸ்டாகிராம் கேமராவின் கீழே கிடைக்கும் ம்யூசிக் விருப்பம் ஆனது உங்களுக்கு "Pulse", " Glow", "Vintage" மற்றும் பல பில்டர்களையும் வழங்கும், இது உங்கள் ஸ்டோரியை கூடுதலாக Customise செய்ய உதவும் என்பது குறிப்பிடத்தக்கது.