ட்விட்டரில் ட்ரெண்டாகும் தமிழக பந்த்

டெல்லியில் போராடும் தமிழக விவசாயிகளுக்கு ஆதரவாக தமிழகத்தில் இன்று நடக்கும் முழு அடைப்புப் போராட்டம் ட்விட்டரில் ட்ரெண்டாகி வருகிறது.

தமிழக விவசாயிகள் பல்வேறு கோரிக்கைளை முன்வைத்து கடந்த 40 நாட்களுக்கும் மேலாக டெல்லியில் போராட்டம் நடத்தினர். அவர்களது கோரிக்கைகளை பிரதமர் நரேந்திர மோடி கொஞ்சமும் கண்டுகொள்ளவில்லை.

இதன் எதிரொலியாக விவசாயிகளுக்கு ஆதரவாக தமிழகம் முழுவதும் திமுக தலைமையில் பல்வேறு கட்சிகள் இன்று முழு அடைப்புப் போராட்டத்தை நடத்தி வருகின்றனர். இந்தப் போராட்டத்தில் வணிகர் சங்கங்கள், திரையரங்கங்கள் என பல்வேறு அமைப்புகளும் பங்கேற்றுள்ளன.

அரசு போக்குவரத்து சங்கங்களின் கூட்டமைப்பும் இப்போராட்டத்தில் இணைந்துள்ளதால் பேருந்து சேவை கடுமையாக பாதிக்கப்பட்டுள்ளது. பெரும்பாலான கடைகள் அடைக்கப்பட்டுள்ளன.

இந்நிலையில் தமிழகத்தில் நடக்கும் இந்த முழு அடைப்புப் போராட்டத்துக்கு சமூக வலைத்தளங்களில் ஏராளமான பதிவுகள் வெளியாகி வருகின்றன. #Strike4Farmers ஹேஷ்டேக் உடன் ட்விட்டரில் ஆயிரக்கணக்கான ட்வீட்கள் பதிவாகின்றன.
#Strike4Farmers Tweets