பூத் ஸ்லிப் வழங்க இன்று கடைசி நாள்!

தமிழகத்தில், சட்டப்பேரவை தேர்தலுக்கான பூத் ஸ்லிப் வழங்குவதற்கான காலக்கெடு இன்றுடன் முடிவடைகிறது.

வாக்காளர்களுக்கு வழங்கப்படும் அடையாளச் சீட்டுதான் இந்த பூத் ஸ்லிப். இதைப் பயன்படுத்தி, வாக்குப் பதிவு நாளன்று, எளிதாக வாக்காளர்கள் தங்களது வாக்கை பதிவு செய்யலாம். வரும் 16ம் தேதி வாக்குப் பதிவு நடைபெற உள்ள நிலையில், 11ம் தேதியான புதன்கிழமை வரை, பூத் ஸ்லிப் விநியோகிப்பதற்கான காலக்கெடு நீட்டிக்கப்பட்டிருந்தது.

இதன்படி, இறுதி நாளில் தமிழகம் முழுவதும் பூத் ஸ்லிப் வழங்கும் பணிகள் தீவிரமாக நடைபெற்று வருகின்றன. பூத் ஸ்லிப் கிடைக்காதவர்கள், தேர்தல் ஆணையம் பரிந்துரைத்துள்ள பான் கார்டு, டிரைவிங் லைசென்ஸ் உள்ளிட்ட புகைப்பட ஆவணங்களைக் காட்டி, தங்களது வாக்கைப் பதிவு செய்யலாம் என்றும் தெரிவிக்கப்பட்டுள்ளது.