வேட்புமனு தாக்கல் செய்ய நாளையுடன் கடைசி

சென்னை: தமிழகத்தில் வருகிற மே 16ஆம் தேதி நடைபெறவுள்ள சட்டமன்றத் தேர்தலுக்கான வேட்பு மனு தாக்கல் நாளையுடன் முடிவடைகிறது.

கடந்த வாரம் வெள்ளிக்கிழமை (ஏப்.22) தொடங்கிய வேட்பு மனு தாக்கலில் இதுவரை 2,112 மனுக்கள் தாக்கல் செய்யப்பட்டுள்ளன. இந்நிலையில், நாளை பகல் 3 மணியுடன் வேட்பு மனு தாக்கல் செய்வது நிறைவு பெறுகிறது. இன்று வியாழக்கிழமை (ஏப்.28) அதிமுக வேட்பாளர்கள் அனைவரும் மனுதாக்கல் செய்யவுள்ளனர்.

இதனால் வேட்பு மனுக்களின் எண்ணிக்கை அதிகரிக்கும் என எதிர்ப்பார்க்கப்படுகிறது. வருகிற ஏப்-30ஆம் தேதி தாக்கல் செய்யப்பட்டுள்ள வேட்புமனுக்கள் பரிசீலனை செய்யப்படும் என தெரிவிக்கப்பட்டுள்ளது. வேட்பு மனுக்களை வாபஸ் பெற கடைசி நாளான மே-2ஆம் தேதியே இறுதி வேட்பாளர் பட்டியல் வெளியிடப்படும் என அறிவிக்கப்பட்டுள்ளது.