ஆப்நகரம்

365 நாட்கள் வேலிடிட்டி கொண்ட டேட்டா ஆஃபர்: ட்ராய் மீண்டும் அறிவுறுத்தல்

ஓர் ஆண்டு வேலிடிட்டி கொண்ட டேட்டா ஆஃபரை அனைத்து தொலைத்தொடர்பு சேவை நிறுவனங்களும் அளிக்க வேண்டும் என்று ட்ராய் மீண்டும் அறிவுறுத்தியுள்ளது.

THE ECONOMIC TIMES 6 Jun 2017, 6:17 am
ஓர் ஆண்டு வேலிடிட்டி கொண்ட டேட்டா ஆஃபரை அனைத்து தொலைத்தொடர்பு சேவை நிறுவனங்களும் அளிக்க வேண்டும் என்று ட்ராய் மீண்டும் அறிவுறுத்தியுள்ளது.
Samayam Tamil trai urges telcos launch 1 yr data packs to attract new users
365 நாட்கள் வேலிடிட்டி கொண்ட டேட்டா ஆஃபர்: ட்ராய் மீண்டும் அறிவுறுத்தல்


தொலைத்தொடர்பு நிறுவனங்கள் அளிக்கும் ரிசார்ஜ் ஆஃபர்களுக்கான அதிகபட்ண வேலிடிட்டி 90 நாட்களாக உள்ளது. கடந்த ஆண்டு ஒரு வருடத்திற்கு உரிய டேட்டா ஆஃபர்களை அளிக்க தொலைத்தொடர்பு நிறுவனங்கள் சார்பில் தொலைத்தொடர்பு ஒழுங்குமுறை ஆணையத்திடம் (ட்ராய்) கோரிக்கை அளிக்கப்பட்டது. இந்த கோரிக்கையை ட்ராய் ஏற்றுக்கொண்டுள்ளது.

அனைத்து தொலைத்தொடர்பு சேவை நிறுவனங்களும் குறைந்தபட்சம் ஒரே ஒரு டேட்டா ஆஃபரை மட்டுமாவது 365 நாட்கள் வேலிடிட்டியுடன் அளிக்க வேண்டும். அதுவும் அந்த ஆஃபரைப் பெற, ஒரே ஒரு முறை மட்டும் ரீசார்ஜ் செய்தால் போதுமானதாக இருக்க வேண்டும் என்று ட்ராய் அறிவித்தது.

தொலைத்தொடர்பு நிறுனங்களின் கோரிக்கையை ஏற்று ட்ராய் அனுமதி வழங்கிய பின்னரும் எந்த தனியார் தொலைத்தொடர்பு நிறுவனமும் ஓராண்டு டேட்டா ஆஃபர் எதையும் அறிவிக்கவில்லை.

இதனால், விரைவில் அனைத்து தொலைத்தொடர்பு நிறுவனங்களும் ட்ராய் நிபந்தனைகள் படி, ஒரே ரீசார்ஜ் மூலம் ஒரு வருடத்திற்கான இன்டர்நெட் பயன்பாட்டு சலுகையை வாடிக்கையாளர்களுக்கு அளிக்க வேண்டும் என்றும் மீண்டும் வலியுறுத்தியுள்ளது.

இந்த ஆஃபருக்கான அனுமதி கேட்கப்பட்ட பின்பே ட்ராய் இந்த அறிவுறுத்தலை வெளியிட்டது என்றும் இருப்பினும் புதிதாக இன்டர்நெட் பயன்படுத்துவோரை கருத்தில் கொண்டே இந்த அனுமதி வழங்கப்பட்டது என்றும் ட்ராய் கூறியுள்ளது. இச்சலுகையை அளிக்க வேண்டும் என்ற கட்டாயமில்லை என்றும் குறிப்பிட்டுள்ளது.

அடுத்த செய்தி