எங்குள்ளது
PC: Bluriel
சீனாவின் லியாவோனிங் மாகாணத்தில் ஒரு இடம்தான் இந்த சிகப்பு கடற்கரையை கொண்டுள்ளது. அந்த மாகாணத்தின் பன்ஜின் பகுதியில் அமைந்துள்ளது சிவப்பு கடற்கரை. இந்த கடற்கரை முழுவதும் சிவப்பு நிறத்தால் சூழப்பட்டுள்ளது.
என்ன காரணம்
PC:吴张帆
செனோபோடீசியா எனும் குடும்ப சிவப்பு தாவரங்களினால் சூழப்பட்டுள்ள இந்த கடற்கரை காணும் இடமெல்லாம் சிவப்பு நிறத்தில் காட்சியளிக்கிறது. இது பெரிய ஈரமான நிலங்களில் வளரும் தாவரம். சொல்லப்போனால் இவை பாசிகள் என்றும் கோரைப் புற்கள் வகை என்றும் இரு தரப்புகளால் கூறப்படுகிறது. சதுப்பு நிலங்களிலும் இதுபோன்று ரத்த சிகப்பு நிற புற்கள் காணப்படுகின்றன.
ஆறு கழிமுகம்
PC: 宋迎利
பன்ஜின் பகுதியில் லியாவோஹி எனும் ஆறு ஒன்று ஓடுகிறது. இந்த ஆறு கடலில் கலக்கும் கழிமுகப் பகுதியில் இந்த சிவப்பு நிற பாசிகள் படர்ந்து காணப்படுகின்றன. இவை பார்ப்பதற்கு அழகாகவும், காண்போரை வசீகரிக்கும் விதமாகவும் காட்சியளிக்கிறது.
சுற்றுலாவுக்கு சிறந்த நேரம்
PC: 白云悠悠
ஜனவரி முதல் மார்ச் மாதங்கள் வரை இந்த கடற்கரை மற்ற கடற்கரை போலவே காட்சியளிக்கிறது. ஏப்ரம் மாத இறுதியில் வசந்த காலம் தொடங்குகின்றது. இந்த சமயங்களில் கோரைப்புற்கள் பச்சை நிறத்தில் முளைத்து செழித்திருக்கின்றன. 3 மாதங்களுக்கு பிறகு இவை ரத்த சிவப்பு நிறமாக மாறிவிடுகின்றன.
ஆகஸ்ட் மாதம் முதல் அக்டோபர் மாதம் வரையில் உலகின் மிக அழகிய கடற்கரையாக சிவப்பு நிறத்தில் காட்சியளிக்கிறது இந்த கடற்கரை பகுதி. எனவே ஆகஸ்ட் முதல் அக்டோபர் மாதத்துக்குள் உங்கள் சுற்றுலாவைத் திட்டமிட்டால் இந்த பகுதி சிவப்பாய் இருப்பதை காண முடியும்.
பரப்பளவு
PC:白云悠悠
இந்த கடற்ரையின் பரப்பளவு கிட்டத்தட்ட 51 சதுர மைல் ஆகும். கோரைப்புற்கள் இத்தனை பெரிய பரப்பளவில் பச்சை நிறமாகவும், காய்ந்து மஞ்சள் நிறமாகவும், ரத்த சிவப்பு நிறமாகவும் ஒரு வருடத்தின் பல்வேறு காலக் கட்டத்தில் மாறுவது மிகவும் சிறப்பாகவும், உலகிலேயே தனித்துவம் மிக்க ஒன்றாகவும் இந்த பகுதியை மாற்றியுள்ளது.