அந்தமான் நிகோபார் தீவுகள் உலகளவில் பிரபலமடைய இதுதான் காரணம்!

வங்கக் கடலில் தவழ்ந்து கிடக்கும் அந்தமான் நிக்கோபார் தீவுகள், கோடை காலத்தில் மகிழ்ந்திருக்க மிகவும் ஏற்றது. த்ரில்லான நீர்ப் பகுதிகள், ஓய்வெடுக்கும் தளங்கள், பல்வேறு விதமான செயல்பாடுகள் உள்ளிட்டவற்றை அனுபவிக்கலாம்.

‘எமரால்டு தீவுகள்’

ஆண்டுதோறும் மந்தமான வானிலையுடன் காட்சியளிப்பதால், சுற்றுலாவிற்கு மிகவும் ஏற்றது. அந்தமான், நிகோபார் தீவுகளின் மொத்த எண்ணிக்கை 572. இதில் மக்கள் வசிக்கும் தீவுகள் 36. நீலக்கடலில், பச்சை நிறத் தீவுகள் இது என்பதால் இதனை ‘எமரால்டு தீவுகள்’ என்றும் அழைக்கின்றனர்.

‘எமரால்டு தீவுகள்’

திக்குமுக்காட வைக்கும் தீவுகள்!

முடிவடையாது நீண்டு செல்லும் தூய்மையான வெண் மணற்கடற்கரைகள், விதவிதமான தாவரங்கள், வித்தியாசமான உயிரினங்கள், எந்தவித செயற்கை அழகூட்டலும் செய்யப்படாமல் இயற்கையாகவே உருவாக்கப்பட்டிருக்கும் அழகு இடங்கள் போன்றவை இந்த தீவுப்பகுதிகளில் உங்களை திக்குமுக்காட வைத்துவிடும். இப்போது அந்தமானில் காண வேண்டிய இடங்கள் குறித்து இங்கே காணலாம்.


ராதா நகர் பீச்!

இயற்கையின் சௌந்தர்யத்துக்கு அந்தமான் தீவுகள் உலகப் புகழ் பெற்றவை. உதாரணமாக ஹாவ்லாக் தீவில் உள்ள ராதா நகர் பீச் பூமிப் பந்தின் பொன்னுலகம் எனலாம். இங்கே ஆண்டுதோறும் லட்சக்கணக்கான தேச, சர்வதேச சுற்றுப்பயணிகள் வந்துபோகிறார்கள்.


ஹவேலாக் தீவு

ஸ்குபா டைவிங் எனப்படும் நீருக்கடியில் நீந்தும் விளையாட்டிற்கு சிறந்த இடம். உலகிலேயே பவளப் பாறைகள் அதிகம் கொண்ட இடமாக காணப்படுகிறது.

ஹவேலாக் தீவு

மாங்குரோவ் கிரீக், பாராடாங் தீவு

போர்ட் பிளேர் நகரிலிருந்து 100 கி.மீ தொலைவில் அமைந்துள்ளது. அங்கு படகு சவாரி, மாங்குரோவ் காடுகளால் இயற்கையாக உருவான குகைகள் உள்ளிட்டவற்றை கண்டு மகிழலாம்.

மாங்குரோவ் கிரீக், பாராடாங் தீவு

வடக்கு பே கடற்கரை, போர்ட் பிளேர்!

ராஜிவ் காந்தி நீர் விளையாட்டு அரங்கில் இருந்து 15 நிமிட தூரத்தில் அமைந்துள்ளது. அங்கு கடல் சார்ந்த விளையாட்டுக்கள், கடலுக்கடியில் பயணம் ஆகியவற்றை மேற்கொள்ளலாம்.


மவுண்ட் ஹரியட்!

மவுண்ட் ஹரியட்டில் இருந்து மதுபன் வரை உள்ள 16 கி.மீ தூரம் டிரக்கிங் மேற்கொள்ளலாம். பார்ப்பதற்கு ரம்மியமான சூழலாக தென்படும். அரிய வகை தாவரங்கள், பறவைகள், புற்களை காணலாம்.


ராஜிவ் காந்தி நீர் விளையாட்டு அரங்கம்!

போர்ட் பிளேர் நகரின் மையத்தில் அமைந்துள்ளது. அங்கு பனானா ரைட்ஸ், ஜெட் ஸ்கைங், பாரா சைலிங், ஸ்பீட் படகு பயணம் உள்ளிட்ட பல்வேறு விளையாட்டுக்களை விளையாடி மகிழலாம்.

ராஜிவ் காந்தி நீர் விளையாட்டு அரங்கம்

செல்லுலார் சிறை

போர்ட் ப்ளேரின் முக்கியச் சுற்றுலாத்தலம் செல்லுலார் சிறை. பிரிட்டிஷ் அரசாங்கத்திற்கு எதிராக அரசியல் புரட்சி மற்றும் ஆயுத கிளர்ச்சியில் ஈடுபடுபவர்களை இந்திய பெருநிலப்பரப்பில் இருந்து நாடு கடத்தி வங்காள விரிகுடாவின், அந்தமான் தீவில் அடைத்திட கட்டப்பட்ட சிறைச்சாலையே இந்த செல்லுலார் ஜெயில் ஆகும். இது காலா பாணி சிறை என்றும் அழைக்கப்படுகிறது.