வெளிநாடுகளுக்கு கூடுதல் விமான சேவை: ஸ்பைஸ் ஜெட் முடிவு

வெளிநாடுகளுக்கு கூடுதலாக விமானங்களை இயக்க உள்ளதாக ஸ்பைஸ் ஜெட் நிறுவனம் தெரிவித்துள்ளது.

ஸ்பைஸ் ஜெட் விமான சேவை நிறுவனம் இது குறித்து வெளியிட்டிருக்கும் அறிவிப்பில், சிங்கப்பூர், தோகா, குவைத், அபுதாபி, ரியாத், கோலாம்பூர், டெகரான், சாலாலா, குன்மிங் ஆகிய நகரங்களுக்கு விமான சேவை தொடங்கப்படும் எனக் கூறப்பட்டுள்ளது.

மேலும், பின்லாந்து, நார்வே, மொராக்கோ நாடுகளுக்கும் விமான சேவையை விரிவுசெய்ய இருப்பதாகக் குறிப்பிடப்பட்டுள்ளது. போயிங் 737 மேக்ஸ் 8 ரக விமானங்களை பயன்படுத்தி எரிபொருள் சிக்கனத்துக்கு வழிசெய்யவும் அந்நிறுவனம் முடிவு செய்திருக்கிறது. இந்த ரக விமானம் ஒன்றை கடந்த 2017ஆம் ஆண்டு 22 பில்லியன் டாலர் செலவில் வாங்கியது. இன்று அதனை பயன்பாட்டுக் கொண்டுவந்திருக்கிறது.

ஸ்பைஸ் ஜெட் தினமும் 57 இடங்களுக்கு 416 விமானங்களை இயக்குகிறது. இதில் 49 உள்நாட்டு விமானங்களும் 8 சர்வதேச விமானங்களும் அடங்கும். 37 போயிங் 737 மேக்ஸ் மற்றும் என்.ஜி. ரக ஜெட் விமானங்களையும் 23 பாம்பெர்டியர் க்யூ-400 ரக விமானங்களும் அந்நிறுவனம் வைத்திருக்கிறது.