சூரிய நகரம் ’சூரத்தின்’ அழகு: 10,000 புகைப்படங்களால் உருவாக்கப்பட்ட வீடியோ

சூரத்: இந்தியாவின் மிகச்சிறந்த சுற்றுலா தளங்களில் ஒன்றான சூரத் நகரின், புகைப்பட வீடியோ ஒன்று சமூக வலைத்தளங்களில் வெளியிடப்பட்டுள்ளது.

இந்தியாவில் சுற்றுலா தளங்களுக்கு என்றுமே பஞ்சமில்லை. ஏராளமான வரலாற்று சிறப்பு மிக்க கட்டடங்களும், மலைகளும், காடுகளும், கடற்கரைகளும், பழங்கால நினைவுகளும் காணப்படுகின்றன. அதில் குஜராத் மாநிலம் சூரத் நகரம் மிகவும் சிறப்பு வாய்ந்தது. இந்நிலையில் சுற்றுலா பயணிகளின் வருகையை ஊக்குவிக்கும் வகையில் வீடியோ ஒன்று உருவாக்கப்பட்டுள்ளது.

பிரபல புகைப்படக்காரர் அங்கிட் சிங், சூரிய நகரமான சூரத்தின் பல்வேறு இடங்களை வலம் வந்து படம் பிடித்துள்ளார். கிட்டத்தட்ட 10,000 புகைப்படங்களை எடுத்துள்ளார். அந்த புகைப்படங்களைக் கொண்டு, ஒரு வீடியோ ஒன்று உருவாக்கியுள்ளார். இயற்கையின் அம்சங்களும், பரபரப்பான மக்கள் வாழ்க்கை சூழலும் அழகுற காட்சிப்படுத்தப்பட்டுள்ளன. இதனைக் காண்பவர்கள் நிச்சயம் ஒரு நாள் சூரத் நகருக்கு வருவார்கள் என்பதில் ஐயமில்லை.

Surat Is One Of The Most Beautiful Cities Of India. And, This Breathtaking Video Proves It.