சுற்றுலாத் தலங்கள் பட்டியல்: உலகளவில் 6ம் இடம் பிடித்தது தாஜ்மகால்

உலகளவில் சுற்றுலா பயணிகளை அதிகம் கவா்ந்த தலங்கள் பட்டியலில் தாஜ்மகாலுக்கு 6வது இடம் கிடைத்துள்ளது.

டிரிப் அட்வைசா் என்ற தனியாா் அமைப்பு உலகில் உள்ள முக்கிய சுற்றுலா தலங்களில் பயணிகள் அதிகம் விரும்பும் தலம் தொடா்பாக ஆய்வு மேற்கொள்ளப்பட்டது. இந்த ஆய்வில் சா்வதேச அளவில் சுற்றுலா பயணிகளை கவரக்கூடிய இடங்கள் பற்றிய ஆய்வு மேற்கொள்ளப்பட்டது.

இந்த ஆய்வுக்காக மொத்தம் 68 நாடுகளில் உள்ள 759 முக்கியமான இடங்கள் எடுத்துக் கொள்ளப்பட்டன. இந்த ஆய்வில் உலகளவில் முதல் 10 இடங்கள் கொண்ட பட்டியல் வெளியாகி உள்ளது. அதன் படி முதல் இடத்தை கம்போடியா நாட்டின் அங்கோா்வாட் கோவில் பிடித்துள்ளது. இரண்டாவது இடத்தை ஸ்பெயினில் உள்ள பிளாசா டி எஸ்பனாவும், மூன்றாவது இடத்தை ஐக்கிய அரபு எமிரேட்ஸ் நாடுகளின் அபுதாபியில் உள்ள ஷேக் சையத் மசூதியும் பிடித்துள்ளன.

இந்த பட்டியலில் இந்தியாவின் தாஜ்மகாலுக்கு ஆறாவது இடம் கிடைத்துள்ளது. மேலும் ஆசிய அளவில் வெளியான பட்டியலில் இரண்டாவது இடத்தை தாஜ்மகாலும், ஒன்பதாவது இடத்தை ராஜஸ்தானின் ஜெய்ப்பூரில் உள்ள ஆம்பா் கோட்டையும், 10வது இடத்தை பஞ்சாப்பின் அமா்தசரசில் உள்ள பொற்கோவிலும் பிடித்துள்ளது.