புர்ஹி டிஹிங்
PC: Sumansharma511
அருணாச்சல பிரதேச மாநிலத்தில் உருவாகும் இந்த நதி மிக உயரமான இடத்திலிருந்து ஓடத் துவங்குகிறது. கடல் மட்டத்திலிருந்து 2375 மீட்டர் உயரத்திலிருந்து அதாவது 7792 அடி உயரத்தில் இருந்து பாய்கிறது இந்த நதி. இது ஓடும் பாதை இரண்டு மாவட்டங்களில் இருக்கிறது. தின்சுகியா மற்றும் திப்ருகர் மாவட்டங்களில் இந்த புர்ஹி டிஹிங் நதி 6000 சதுர கிமீ பரப்பளவை ஆக்கிரமித்துக்கொண்டு ஓடுகிறது.
ஏரிகள்
PC: Sumansharma511
இந்த நதி செல்லும் பாதைகளிலெல்லாம் சில பல ஏரிகளை உருவாக்கிச் செல்கிறது. இவை அனைத்தும் நல்ல இயற்கை காட்சியை நமக்கு விருந்தாக அளிக்கின்றன. இவை நமக்கு சுற்றுலா அம்சங்களையும் உருவாக்கி, சுற்றுலாவுக்கான ஏற்பாடுகளை செய்து நம்மை அவற்றை நோக்கி வரவழைக்க பாடுபடுகின்றன.
சுற்றுலா
ஜெய்பூர் - திஹிங் மழைக்காடுகள், பல பெட்ரோலியம் வயல்கள், ஈரநிலங்கள், மூங்கில் காடுகள் மற்றும் தேயிலைத் தோட்டங்கள் என செல்லும் இடமெல்லாம் அழகிய வளங்களை உருவாக்கி, நம்மையும் வியப்பில் ஆழ்த்துகிற வேலையை கணக் கச்சிதமாக ஆக்கிச் செல்கிறது இந்த புர்ஹி நதி.
பர்பெக்ட் பிக்னிக் ஸ்பாட்
PC: Drpranjit
நீங்கள் பிக்னிக் செல்ல சிறந்த ஒரு இடத்தை தேடிக் கொண்டிருக்கிறீர்களா? இப்போது நீங்கள் இருக்கும் உலகத்தை விட்டு வேறு ஒரு உலகத்துக்கு செல்வது போன்ற ஒரு பிரம்மிப்பை ஏற்படுத்தும் வகையில் ஒரு சுற்றுலாத் தலம் இந்த புர்ஹி திஹிங்.
இந்தியாவின் எல்லா பகுதி மக்களும் செல்லச் சிறந்த ஒரு இடமாகும்.
- படகு பயணம்
- நீர் விளையாட்டுகள்
- சமைத்து உண்ணுதல்
- மீன் பிடித்தல்
அருகில் இருக்கும் சுற்றுலாத் தளங்களுக்கு செல்லுதல் என முற்றிலும் வியப்படையச் செய்யும் இடங்களை இங்கு நீங்கள் காணலாம் . கண்டு வியந்து பிக்னிக்கை அனுபவிக்கலாம்.