ஆரி
இந்த நான்காவது சீசனில் முக்கிய போட்டியாளராக இருப்பவர் ஆரி. அவருக்கு தான் அதிக அளவு ரசிகர்கள் இருக்கிறார்கள் என்பது சமூக வலைத்தளங்களில் வரும் விமர்சனங்களை பார்க்கும் போதே அனைவருக்கும் தெரிந்திருக்கும். அனைத்து விஷயங்களையும் மிகவும் நேர்மையாக அணுகும் அவரது அவரது குணம் தான் பலரையும் ஈர்க்க கரணம் என சமூக வலைதள பதிவுகளை பார்க்கும்போது தெரிகிறது.
அந்நியன் படத்தில் வரும் அம்பி போல பல்வேறு விஷயங்கள் பற்றி கேள்வி மேல் கேள்வி கேட்டுக் கொண்டே இருக்கும் அவருக்கு வெளியில் ரசிகர்கள் அதிகம் இருந்தாலும், பிக் பாஸ் வீட்டில் அவருக்கு மோசமான பெயர்தான். அவர் எப்போதும் மற்றவர்களை குறை கூறிக் கொண்டே இருக்கிறார் என அவர் மீது குற்றச்சாட்டு இருந்து கொண்டே தான் இருக்கிறது. (Pic Credits: Hotstar)
நாமினேஷன்
ஆரி அதிக அளவு எதிர்ப்பை பிக்பாஸ் வீட்டில் பெற்றதனால் என்னமோ அவர் வாராவாரம் நாமினேஷன் செய்யப்பட்டு கொண்டே தான் இருந்தார். ஆனால் ரசிகர்கள் ஆதரவு அதிகம் இருந்ததனால் அவர் அனைத்து வாரங்களிலும் முதல் ஆளாக காப்பாற்றப்பட்டதையும் நாம் பார்த்தோம்.
ஒரு மணி நேரம் பிக் பாஸ் ஷோ பார்க்கும் ரசிகர்களுக்கு தவறாக எதுவும் தெரிய வாய்ப்பு இல்லை. ஆனால் 24 மணிநேரமும் அவருடன் வீட்டில் இருப்பவர்களுக்கு தான் அனைத்தும் தெரியும் என ரியோ உள்ளிட்டவர்கள் வெளிப்படையாகவே ஆரி பற்றி கருத்து தெரிவித்தார்கள் என்பதும் குறிப்பிடத்தக்கது. (Pic Credits: Hotstar)
ஆரி செய்திருக்கும் சாதனை
ஆரி அர்ஜுனன் பிக் பாஸ் வீட்டில் அதிக அளவு எதிர்ப்பை சந்தித்து இருந்தாலும் அதிலும் ஒரு சாதனை படைத்திருக்கிறார் ஆரி. இந்த பிக் பாஸ் நான்காவது சீசனில் பதினோரு முறை ஆரி நாமினேட் செய்யப்பட்டு ரசிகர்களால் காப்பாற்றப்பட்டு இருக்கிறார். மேலும் இரண்டு வாரங்கள் அவர் கேப்டனாக இருந்தது குறிப்பிடத்தக்கது. இப்படி 11 வாரங்கள் அவர் நாமினேட் ஆகி காப்பாற்றப்பட்டது ஒரு பெரிய சாதனையாக பார்க்கப்படுகிறது.
இதற்கு முந்தைய சீசன்களில் கவின் 8 முறை நாமினேஷனில் இருந்து காப்பாற்றப்பட்டு இருக்கிறார் என்பது குறிப்பிடத்தக்கது. முதல் சீசனில் டைட்டில் வென்ற ஆரவ் ஏழு முறை மட்டுமே நாமினேட் ஆகி இருந்தார்.
(Pic Credits: Hotstar)
ஆரி சாதனையை கொண்டாடும் ரசிகர்கள்
பிக் பாஸ் 4 டைட்டில் யாருக்கு?
இந்த வருடம் பைனலிஸ்ட் போட்டியாளர்களாக ஆறு பேர் இருக்கிறார்கள். ரியோ, ஆரி, கேபி, ரம்யா, பாலாஜி முருகதாஸ் ஆகியோர் போட்டியில் இருக்கிறார்கள்.
இவர்களில் டைட்டில் வெல்லப்போவது யார் என்பது பற்றிய எதிர்பார்ப்பு உச்சகட்டத்தில் இருக்கும் நிலையில் ரசிகர்களின் கருத்துக் கணிப்புகளின் படி ஆரிக்கு தான் அதிக ஆதரவு இருக்கும் என்பது தெரிகிறது. டைட்டில் வெல்லப்போவது யார் என்பதை தெரிந்துகொள்ள வரும் ஞாயிறு வரை காத்திருப்போம். (Pic Credits: Hotstar)