Bigg Boss 4 Promo: கோபத்தில் கொந்தளித்த ஆரி.. பிக் பாஸ் வீட்டில் பெரிய சண்டை

பிக் பாஸ் 4 ஷோவில் நேற்று 'நாடா இல்லை காடா' என்ற டாஸ்க் வழங்கப்பட்டு இருந்தது. அதில் போட்டியாளர்கள் அனைவரும் இரண்டு டீமாக பிரிந்து அரச குடும்பம் மற்றும் அரக்கர்கள் ஆக உடை அணிந்து போட்டியில் பங்கேற்க வேண்டும். அரச குடும்பத்தை சேர்ந்த ஒருவர் வெளியில் வரும் போது அரக்கர்கள் சேர்ந்து அவரை ஆசைய வைத்துவிட்டால் அவரை அடிமையாக்கிவிடலாம்.

நேற்று நடத்த இந்த டாஸ்கில் சுரேஷ்சக்ரவர்த்தி, ஆரி, அனிதா உள்ளிட்டவர்கள் அரக்கர்களாக இருந்தனர். இன்று அது அப்படியே தலைகீழாக மாற்றப்பட்டு உள்ளது. அரக்கர்கள் அரச குடும்பம் ஆகவும், அரச குடும்பம் அரக்கர்களாகவும் மாற்றப்பட்டு உள்ளனர். நேற்று செய்த விஷயங்களுக்கு தற்போது அரக்கர்கள் பழிவாங்கி கொள்ளலாம்.

அதன் படி அரச உடையில் இருக்கும் ஆரி வெளியில் வந்து அரக்கர்கள் முன் நின்றபோது அவர்கள் ஆரஞ்சு பழ தோலை ஆரி முகத்தின் அருகில் வைத்தார்கள். அதை தாங்க முடியாமல் அவர் அசைந்துவிட்டார். அதனால் கோபமான ஆரி அவர்களுடன் சண்டை போட்டார்.

' பிளான் பண்ணி நீங்க physically டிஸ்டர்ப் பண்றீங்க. முன்னாடி மோதிட்டு இல்லனு சொல்றான் (பாலாஜி). கண்ணில் ஆரஞ்சு பழம் வைத்தால் எப்படி டா நீ விளையாடுவ" என சண்டை போட்டார். இப்படி விளையாடுவதற்கு நீங்கள் வேறு எதாவது செய்யலாம் எனவும் அவர் கோபத்துடன் தெரிவித்து இருக்கிறார் ஆரி.


ஆரி இப்படி கொந்தளித்து இருப்பதை பார்த்து ரசிகர்கள் ஆச்சர்யம் அடைந்து இருக்கிறார்கள். இதுநாள் வரை அமைதியாக மற்றவர்களுக்கு அட்வைஸ் மட்டும் கொடுத்து வந்த அவரை இப்படி கொந்தளிக்க வைத்துவிட்டார்களே எனவும் நெட்டிசன்கள் தெரிவித்து வருகிறார்கள்.