பிக் பாஸ் 4 செல்லும் முன் அறந்தாங்கி நிஷாவின் கடைசி இன்ஸ்டா பதிவு

பிக் பாஸ் 4வது சீசன் துவங்கிவிட்டது. பிரம்மாண்ட துவக்க விழா இன்று மாலை 6 மணி முதல் ஒளிபரப்பை துவங்க உள்ளது. அதற்கான ஷூட்டிங் முடிக்கப்பட்டு போட்டியாளர்கள் அனைவரும் வீட்டுக்குள் அனுப்பப்பட்டு விட்டார்கள் என தெரிகிறது.

அப்படி பிக் பாஸ் வீட்டுக்குள் செல்லும் முன்பு பல்வேறு பிரபலங்களும் சமூக வலைத்தளங்களில் தங்கள் கடைசி பதிவை போட்டு இருக்கின்றனர். அப்படி விஜய் டிவி ஸ்டாண்டப் காமெடியன் அறந்தாங்கி நிஷா தற்போது இன்ஸ்டாகிராமில் ஒரு புகைப்படத்தை போட்டு ஒரு விஷயத்தை பற்றி பேசி இருக்கிறார்.

"வாழ்க்கையில் முயற்சி தவறலாம், ஆனால் முயற்சிக்க தவறலாமா.. முயற்சித்து பார்ப்போம்" என அவர் பதிவிட்டு இருக்கிறார். பிக் பாஸ் செல்வதை தான் 'முயற்சித்து பார்ப்போம்' என அறந்தாங்கி நிஷா குறிப்பிட்டு இருக்கிறார்.


இதை பார்த்த நெட்டிசன்கள் அவருக்கு வாழ்த்துக்கள் தெரிவித்து வருகின்றனர். பிக் பாஸ் மூலம் உங்களுக்கு இன்னும் அதிகம் ரசிகர்கள் கிடைப்பார்கள் என்றும் ரசிகர்கள் அவருக்கு வாழ்த்து கூறி வருகிறார்கள்.

அறந்தாங்கி நிஷா விஜய் டிவியின் காமெடி நிகழ்ச்சிகளில் பங்கேற்று அதிகம் பாப்புலர் ஆனவர். அவர் பிக் பாஸ் வீட்டில் இருந்தால் காமெடிக்கு பஞ்சமே இருக்காது என்று ரசிகர்கள் கூறி வருகிறார்கள்.

நிஷா மற்றும் அவரது கணவர் ரியாஸுக்கு கடந்த வருட இறுதியில் பெண் குழந்தை பிறந்தது. குழந்தைக்கு சஃபா ரியாஸ் என அவர்கள் பெயரிட்டு இருக்கிறார்கள். குழந்தைக்கு இன்னும் ஒரு வயது ஆகாத நிலையில், அறந்தாங்கி நிஷா குடும்பத்தை பிரிந்து பிக் பாஸ் செல்கிறார்.