பெற்றோர் குடிப்பார்கள்.. ஆனால் பாலாஜி முருகதாஸ் சரக்கிலேயே குளிப்பார்: வைரல் வீடியோ

நேற்றைய பிக் பாஸ் 4 ஷோ பார்த்தவர்கள் அனைவரும் நிச்சயம் கண்கலங்கி இருப்பார்கள். அதற்கு காரணம் பாலாஜி முருகதாஸ் தான். சிறு வயது முதலே பெற்றோர் தன்னை சரியாக கவனிக்காததால் பட்ட கஷ்டம் பற்றி கண்கலங்கி கூறியிருந்தார். அப்பா அம்மா இருவரும் போதை பழக்கத்துக்கு அடிமையாகி குடித்து விட்டு தூங்கி விடுவார்கள் என்றும் சரியாக சாப்பாடு கூட கொடுக்க மாட்டார்கள் என்று கூறி இருந்தார். அது பிக் பாஸ் வீட்டில் இருந்த போட்டியாளர்களை கண்கலங்க வைத்தது. மேலும் டிவியில் அவர் பேச்சைக் கேட்டவர்கள் நிச்சயம் கலக்கம் அடைந்திருப்பார்கள்.

அப்பா குடிபோதையில் இரவில் கேஸ் டியூப் கொண்டு தன்னை துரத்தி துரத்தி அடிப்பார் என்றும், எதற்காக என்று காரணம் கூட தெரியாமல் பல முறை அடி வாங்கி இருப்பதாகவும் கூறினார். பாலாஜி முருகதாஸின் அப்பாவோடு சேர்த்து அம்மாவும் போதைக்கு அடிமையாகி இருந்த காரணத்தினால் வெளியில் தன்னை யாரும் விளையாட்டுக்கு கூட சேர்த்துக் கொள்ளமாட்டார்கள் என அவர் கூறியிருந்தார்.

ஒரு குழந்தையை பெற்று வளர்க்க முடியவில்லை என்றால் எதற்காக பெற்றுக் கொள்கிறீர்கள் என பாலாஜி முருகதாஸ் கோபமாக கேட்டிருந்தது குறிப்பிடத்தக்கது.

இந்நிலையில் தற்போது பாலாஜி முருகதாஸின் பழைய வீடியோ ஒன்று இணையத்தில் வைரலாகி இருக்கிறது. அவரது அப்பா அம்மா குடித்து விட்டு தூங்கி விடுவார்கள் என்று குறை கூறும் பாலாஜி முருகதாஸ் சரக்கிலேயே குளிப்பார் என்று கூறி வருகின்றனர்.

அந்த வீடியோவில் பாலாஜி முருகதாஸ் நீச்சல் குளத்தில் இருக்கும் போது பீர் பாட்டிலை எடுத்து அதைத் திறந்து தலையில் ஊற்றிக் கொள்கிறார். இப்படி இருக்கும் பாலாஜி முருகதாஸ் எப்படி அவர் பெற்றோரை மட்டும் குறை சொல்கிறார் என நெட்டிசன்கள் தற்போது கேள்வி எழுப்பி வருகிறார்கள்.


இயக்குனர் முருகதாஸ் என் உறவினரா? பிக் பாஸ் 4 பாலாஜி முருகதாஸ் விளக்கம்