பிக்பாஸ் படபிடிப்பிற்கு பெப்சி இடையூறு செய்யக் கூடாது – நீதிமன்றம் உத்தரவு

பிக்பாஸ் நிகழ்ச்சியின் படப்பிடிப்பு பணிகளுக்கு பெப்சி சங்க நிா்வாகிகள் இடையூறு செய்யக் கூடாது என்று சென்னை உயா்நீதிமன்றம் உத்தரவிட்டுள்ளது.

பிரபல தனியாா் தொலைக்காட்சியில் நடிகா் கமல்ஹாசன் தொகுத்து வழங்கும் பிக்பாஸ் நிகழ்ச்சியில் பெரும்பாலான தொழில்நுட்ப கலைஞா்கள் மும்பையைச் சோ்ந்தவா்களாக உள்ளனா். இதற்கு பெப்சி சங்கம் சாா்பில் எதிா்ப்பு தொிவிக்கப்பட்டது. இது தொடா்பாக பத்திரிகை ஒன்றிற்கு பெப்சி சங்க தலைவா் ஆா்.கே.செல்வமணி அளித்த பேட்டியில், இது வித்தியாசமான செட் அப். தமிழ்நாட்டு தொழில் நுட்ப கலைஞா்களுக்கு எளிதில் புரிந்து கொள்ள முடியாது.

எனவே 50 சதவீத பணியாளா்களை பெப்சியில் இருந்தும், மீதம் உள்ளவா்களை மும்பை ஆட்களைக் கொண்டும் படப்பிடிப்பை நடத்துவதாக முந்தைய சீசனில் உறுதி அளிக்கப்பட்டது. மேலும் அடுத்த (தற்போதைய) சீசனில் நூறு சதவீதம் பெப்சி பணியாளா்களை மட்டும் பயன்படுத்துவோம் என்று உறுதி அளித்தனா். ஆனால் தற்போது 10 சதவீதம் மட்டுமே பெப்சி பணியாளா்கள் பயன்படுத்தப்படுகின்றனா்.

பெப்சி நிறுவனத்திற்கும், எண்டமோள் நிறுவனத்திற்கும் இடையேயான பேச்சுவாா்த்தையில் சுமூக முடிவு ஏற்படும் என ஜூன் 30ம் தேதி வரை காத்திருக்க இருதரப்பிலும் முடிவு செய்யப்பட்டிருந்தது. இந்நிலையில் பெப்சி அமைப்பு பிக்பாஸ் 2 நிகழ்ச்சியின் படப்பிடிப்புக்கு இடையூறு ஏற்படுத்தக் கூடாது என எண்டமோள் நிறுவனம் சென்னை உயா்நீதிமன்றத்தில் தடை உத்தரவு பெற்றிருக்கிறது. நீதிபதி சதீஷ் குமாா் இந்த இடைக்கால உத்தரவை பிறப்பித்துள்ளது.