விஜய் டிவியில் இன்று மீண்டும் பிக்பாஸ்!!

விஜய் டிவியில் ஒளிபரப்பாகிய பிக்பாஸ் நிகழ்ச்சி மிகப்பெரிய வெற்றி பெற்றதைத் தொடர்ந்து, அதன் போட்டியாளர்கள் பங்கேற்கும் ‘பிக்பாஸ் கொண்டாட்டம்’ இன்று ஒளிபரப்பாகிறது.

கடந்த ஆண்டு, விஜய் டிவியில் ஒளிபரப்பாகிய பிக்பாஸ் நிகழ்ச்சி மிகப்பெரிய வெற்றி பெற்றது. இதைத் தொடர்ந்து, அந்த நிகழ்ச்சியின் இரண்டாவது சீசன் கடந்த சில மாதங்களுக்கு முன் தொடங்கியது.

முதல் சீசனைப் போலவே இந்த சீசனும் பார்வையாளர்கள் மத்தியில் நல்ல வரவேற்பைப் பெற்றது. மும்தாஜ், மகத், ஜனனி உள்ளிட்ட நட்சத்திரங்கள் பங்கேற்ற இந்த நிகழ்ச்சியில், நடிகை ரித்விகா வெற்றியாளர் பட்டத்தை வென்றார்.

இந்நிலையில், பிக்பாஸ் சீசன் 2 போட்டியாளர்கள் பங்கேற்கும் ‘பிக்பாஸ் கொண்டாட்டம்’ நிகழ்ச்சி இன்று ஒளிபரப்பாக உள்ளது. இந்த நிகழ்ச்சி இன்றும் நாளையும் இரவு 9 மணிக்கு விஜய் டிவியில் ஒளிபரப்பாகும் என தெரிவிக்கப்பட்டுள்ளது.