Bigg Boss 4: ரியோவையும் கோபப்பட வெச்சிட்டீங்களே சுரேஷ் சக்ரவர்த்தி! பரபரப்பான ப்ரொமோ

பிக் பாஸ் 4வது சீசன் துவங்கி ஒரு வாரம் கூட ஆகவில்லை, அதில் போட்டியாளராக வந்திருப்பவர்கள் ஒவ்வொருவரும் ஒவ்வொரு விதமான பிரச்சனைகளை தினம்தோறும் உருவாக்கி வருகிறார்கள். முதல் நாளில் தொடங்கிய அனிதா சம்பத் - சுரேஷ் சக்ரவர்த்தி சண்டை மற்றும் நேற்று முன்தினம் முதல் நடந்து வரும் சனம் - பாலாஜி முருகதாஸ் சண்டை என அனைத்தும் ரசிகர்களை பரபரப்பாக வைத்திருக்கிறது.

இந்நிலையில் இரண்டாவது வாரத்தின் பிக் பாஸ் தலைவராக சுரேஷ் சக்ரவர்த்தி நேற்று தேர்ந்தெடுக்கப்பட்டார். அவர் சும்மா இருந்தாலே பல பிரச்சனைகள் வரும், இப்போது தலைவர் ஆகிவிட்டார் என்றால் சொல்லவா வேண்டும்.. என்னவெல்லாம் நடக்குமோ என நெட்டிசன்கள் சமூக வலைத்தளங்களால் பேசி வருகிறார்கள்.

இந்நிலையில் இன்று வெளிவந்திருக்கும் ப்ரொமோ வீடியோவில் சுரேஷ் சக்ரவர்த்தி கூறிய ஒரு விஷயம் நடிகர் ரியோவை கடும் கோபமடைய வைத்திருக்கிறது.

யார் யாரெல்லாம் மாஸ்க் போட்டுட்டு இருக்காங்க என பாலாஜி முருகதாஸ் ஒரு கேள்வியை சுரேஷ் சக்ரவர்த்தியிடம் கேட்கிறார். அதற்கு பதில் சொன்ன சுரேஷ் நடிகர் ரியோவை கைகாட்டி பேச துவங்குகிறார். அதனால் கோபமான ரியோ, "அவர் கேட்ட கேள்விக்கு என்னை எடுத்துக்காட்டாக சொல்லாதீர்கள்.. சொல்லாதீங்க" என கூறி கோபத்துடன் பேசியிருக்கிறார்.

"நான் மறைக்க நினைக்கும் முகம் இதுதான். ஓகே. நீங்கள் யாரை வேண்டுமானாலும் example ஆக எடுத்துக்கொள்ளுங்கள். என்னை சொல்ல வேண்டிய அவசியம் இல்லை" என்றும் அவர் கூறி இருக்கிறார்.


இதனால் இது தான் இன்று பிக் பாஸ் வீட்டில் பெரிய பிரச்சனையாக இருக்கும் என எதிர்பார்க்கப்படுகிறது. ஏறகனவே சுரேஷ் சக்ரவர்த்தி மற்றும் அனிதா இடையே ஒரு வாரமாக பிரச்சனை தொடர்ந்து வந்த நிலையில், இந்த வாரம் ரியோ ராஜ் அவருடன் சண்டை போட துவங்கி இருப்பது குறிப்பிடத்தக்கது. தான் பிக் பாஸ் வீட்டில் அதிக சண்டை வர வேண்டும் என்று தான் விரும்புவதாக சுரேஷ் கமல் முன்னிலையிலேயே கூறினார் என்பது உங்களுக்கு நினைவிருக்கும்.

இதுவும் நமத்துபோன பட்டாசாக இருக்குமா, அல்லது சுரேஷ் எதிர்பார்ப்பது போல பெரிதாக வெடிக்குமா என்பதை பொருத்திருந்து பார்ப்போம்.