Bigg Boss 4: நாமினேஷன் லிஸ்டில் 7 பேர்! இந்த வாரம் யார் அவுட்?

பிக் பாஸ் 4ல் இன்று திங்கட்கிழமை என்பதால் நாமினேஷன் நடைபெற்றது. இதுவரை 7 வாரங்கள் முடிந்துள்ள நிலையில் மொத்தம் 4 போட்டியாளர்கள் மட்டுமே வெளியேற்றப்பட்டு உள்ளனர். ரேகா, வேல்முருகன், சுரேஷ் மற்றும் சுசித்ரா ஆகியோர் இதுவரை வெளியேற்றப்பட்டு உள்ளனர்.

இந்த வாரம் பரபரப்பான சூழ்நிலையில் பிக் பாஸ் நாமினேஷன் நடைபெற்றது. ஒவ்வொருவராக பிக் பாஸ் கன்பெக்ஷன் ரூமுக்குள் சென்று நாமினேஷனை செய்தனர். அதில் கூறப்பட்ட காரணங்களையும் குறிப்பிட்டு பிக் பாஸ் முழு நாமினேஷன் லிஸ்டை அறிவித்தார்.

'Safe கேம் விளையாடுறாங்க, ரூல்ஸ் பிரேக் பண்றது, எப்ப எது பேசணும்னு தெரியல, சீன் கிரியேட் பண்ற habit இருக்கு, Hurt ஆனால் கேம்ல் காட்டுறாங்க, நான்கைந்து பேருக்கு ஒருத்தர் விளையாடுறாங்க, எல்லா விஷயத்தையும் Calculative ஆக பன்றாரு, ராஜா வீட்டு கண்ணுகுட்டியா எந்த வேலையும் செய்யாமல் comfort zoneல் இருக்காரு போன்ற வார்த்தைகள் தான் நாமினேஷனில் பய்னபடுத்தப்பட்டதாக பிக் பாஸ் கூறினார்.

சோம், பாலா, ஆரி, ரமேஷ், அனிதா, சனம், நிஷா ஆகிய ஏழு பேர் நாமினேட் செய்யப்படுவதாக பிக் பாஸ் அறிவித்தார்.

அவர்களுக்கு எதிராக பதிவான வாக்குகள் விவரம்..

ஜித்தன் ரமேஷ் - 3
சனம் - 5
பாலாஜி - 3
சோம் - 2
அனிதா - 5
நிஷா - 5
ஆரி - 3

ஆனால் இறுதியில் நடந்த நாமினேஷன் டாப்பில் கார்டை அனிதா வென்ற நிலையில் அவர் நாமினேஷனில் இருந்து தப்பினார். அதன் பின் அவர் தனக்கு பதில் சம்யுக்தாவை நாமினேட் செய்வதாக அறிவித்தார்.

இதனால் இந்த வாரம் சோம், பாலா, ஆரி, ரமேஷ், சனம், நிஷா மற்றும் சம்யுக்தா ஆகியோர் தான் இந்த வார லிஸ்டில் இருக்கிறார்கள். அதில் இருந்து வெளியேறப்போவது யார் என்பது வரும் ஞாயிற்றுக்கிழமை தான் தெரியவரும்.