Bigg Boss 4 Highlights: சனம் - பாலாஜி சண்டையை தீர்த்த கமல், தலைவர் ஆன சுரேஷ் சக்ரவர்த்தி

பிக் பாஸ் 4 வீட்டில் 7ம் நாளான ஞாயிற்றுக்கிழமை நடந்த சம்பவங்கள் மற்றும் கமல் பேசிய விஷயங்கள் பற்றிய தொகுப்பு..

அம்மாவுக்கு நன்றி கூறிய கமல்

கொரோனா காரணமாக மக்கள் வீட்டில் இருந்த பணியாற்றி வரும் நிலையில், இல்லத்தரசிகளுக்கு தான் வேலை அதிகமாகி இருக்கிறது. Work from Home காரணமாக பணியாளர்கள் செய்யும் வேலை அதிகமாகி இருக்கிறது. அதனால் நாட்டின் ஜிடிபியில் இல்லத்தரசிகளுக்கு பங்கு இருக்கிறது என கூறிய கமல் அவர்களுக்கு நன்றி கூறினார்.

சனம் ஷெட்டி - பாலாஜி முருகதாஸ் சண்டை

நேற்று சனம் வெற்றி பெற்ற அழகி போட்டியை டுபாக்கூர் என பாலாஜி முருகதாஸ் கூறியிருந்த நிலையில் அதன் காரணமாக அவர்கள் இருவருக்கும் நடுவில் சண்டை வெடித்தது. பாலாஜி தன் கருத்தை மாற்றிக்கொள்ள முடியாது என கூறிவிட்டு நிலையில், அது பற்றி கமல்ஹாசனிடம் புகார் கூறி இருந்தார் சனம் ஷெட்டி. இந்நிலையில் இன்றும் அது பற்றிய வாக்குவாதம் நடந்து கொண்டிருக்கிறது. சம்யுக்தா உட்பட பிக் பாஸ் போட்டியாளர்கள் பலரும் பாலாஜிக்கு ஆதரவாக தான் இருக்கிறார்கள் என தெரிகிறது.


பாலாஜி முருகதாஸுக்கு கமல் கொடுத்த அட்வைஸ்

பாலாஜி முருகதாஸ் இப்படி பொதுவாக டுபாக்கூர் என சொன்னது பற்றி கமல் அவருக்கு அட்வைஸ் கொடுத்தார். "நீங்களும் பாடி பில்டர், அதை ஊசி போட்டு தான் கொண்டுவந்தீர்கள் என பொதுவாக விமர்சித்தால் அது வருத்தமாக இருக்குமா இல்லையா? அது போல தான் இதுவும். இப்படி பேசுவதை தவிருங்கள்" என கூறினார் கமல்.

ஹார்ட் - ஹார்ட் பிரேக் டாஸ்க்

சென்ற வாரம் நடந்தது போலவே இன்றும் அதே ஹார்ட் - ஹார்ட் பிரேக் டாஸ்க் கொடுக்கப்பட்டது. அதில் சுரேஷ் சக்ரவத்திக்கு அதிக ஹார்ட் பிரேக் கொடுக்கப்பட்டது. 7 பேர் அவருக்கு ஹார்ட் பிரேக் கொடுத்திருக்கின்றனர். இது இன்னும் அதிகமாகும் என அவரே எழுந்து நின்று கமலிடம் கூறி பலருக்கும் ஆச்சர்யம் கொடுத்திருக்கிறார்.

சென்ற வாரம் அதிகம் ஹார்ட் பிரேக் வாங்கிய ஷிவானி இந்த வாரம் 4 மட்டுமே பெற்று இருந்தார்.

புது தலைவர் - சுரேஷ் சக்ரவர்த்தி

அதிகம் ஹார்ட் பிரேக் வாங்கியவர்கள் தலைவர் ஆக போட்டியிட தேர்வு செய்யப்பட்டார்கள். அதில் வாக்கெடுப்பின் அடிப்படையில் சுரேஷ் சக்ரவர்த்தி புதிய தலைவராக தேர்வு செய்யப்பட்டார். அவர் தற்போது மூடப்பட்டு இருக்கும் பெட் ரூமை திறக்க எதாவது செய்ய போவதாக கூறினார்.