Bigg Boss 4 Nomination: இந்த வார நாமினேஷன் லிஸ்ட்! வெளியேறப்போவது இவரா? ரசிகர்களின் கணிப்பு

பிக் பாஸ் 4வது சீசன் நிகழ்ச்சி தற்போது மூன்றாவது வாரத்தில் நுழைந்து உள்ளது. சென்ற வாரத்தில் முதல் எலிமினேஷனாக ரேகா வெளியேற்றப்பட்டார். ரேகாவை மற்ற போட்டியாளர்கள் கண்ணீருடன் அனுப்பி வைத்தனர். அவர் வெளியேற்றப்பட்டதால் 17ல் இருந்து தற்போது போட்டியாளர்கள் 16 ஆக குறைந்து இருக்கிறது.

அதனை தொடர்ந்து இந்த வாரத்திற்கான நாமினேஷன் நேற்று திங்கட்கிழமை பிக் பாஸ் வீட்டில் நடைபெற்றது. கடந்த வார டாஸ்கில் வெற்றி பெற்ற சனம் ஷெட்டி மற்றும் வேல்முருகன் ஆகியோரை யாரும் நாமினேட் செய்ய முடியாது என கூறப்பட்டது. அதே போல அர்ச்சனாவுக்கு இது முதல் வாரம் என்பதால் அவரையும் யாரும் நாமினேட் செய்ய முடியாது. மேலும் இந்த வார தலைவராக இருக்கும் ரியோவையும் நாமினேட் செய்ய கூடாது. மீதம் இருக்கும் 12 போட்டியாளர்களில் யாராவது இருவரை நாமினேட் செய்ய வேண்டும் என தெரிவிக்கப்பட்டது.

பெரும்பாலான போட்டியாளர்கள் ஆரி மற்றும் சுரேஷ் சக்ரவர்தியை நாமினேட் செய்தனர். ஆரி எப்போதும் அட்வைஸ் கொடுத்துகொண்டே இருக்கிறார் ஆனால் அவர் அப்படி நடந்து கொள்வதில்லை என குற்றச்சாட்டு வைக்கப்பட்டது.

சுரேஷ் சக்ரவர்த்தி தொடர்ந்து கொளுத்தி போட்டு கொண்டே இருக்கிறார். அவர் இருக்கும் இடத்தில் நிச்சயம் ஒரு பிரச்சனையும் இருக்கும், அவரை சுற்றி எப்போதும் நெகட்டிவிட்டி இருக்கும் எனவும் சில போட்டியாளர்கள் குற்றம் சாட்டினர்.

ஆரியை மொத்தம் 9 பேர் நாமினேட் செய்தனர். அதே போல சுரேஷ் சக்ரவர்த்தியையும் 9 பேர் நாமினேட் செய்தனர். அவர்களுடன் சேர்த்து ஆஜித், அனிதா சம்பத், பாலாஜி முருகதாஸ் ஆகியோர் நாமினேஷன் லிஸ்டில் சேர்க்கப்பட்டு உள்ளனர். அவர்களுக்கு எதிராக பதிவான வாக்குகள் எண்ணிக்கை விவரம்..

ஆஜித் - 5
அனிதா - 4
பாலாஜி முருகதாஸ் - 2

இந்த ஐந்து பேரில் யார் வெளியேயற்றப்படுவார்கள் என்பதை பொறுத்திருந்து தான் பார்க்க வேண்டும். சமூக வலைத்தளங்களால் இது பற்றிய விவாதங்களும் நடைபெற்று வருகிறது. சுரேஷ் சக்ரவர்த்திக்கு அதிகம் ஆதரவு இருப்பதால் அவர் வெளியேற வாய்ப்பு இல்லை என்றும் கருத்து தெரிவித்து வருகின்றனர்.

மற்ற நான்கு பேரில் யாரவது ஒருவர் தான் வெளியேற வாய்ப்பு உள்ளது என ட்விட்டரில் பலரும் பதிவிட்டு வருகின்றனர். குறிப்பாக ஆஜித் மற்றும் பாலாஜிக்கு குறைவான அளவு வாக்குகள் கிடைக்கும் என கணித்துள்ளனர். ஒருவேளை ஆஜித் எலிமினேட் ஆவதாக கமல் அறிவித்தாலும், ஆஜித் தன்னிடம் இருக்கும் எவிக்ஷன் ஃபிரீ பாஸை பயன்படுத்தி மீண்டும் வீட்டுக்குள் இருக்க வாய்ப்பு இருக்கிறது. ஒருவேளை அப்படி நடந்தால் இந்த வாரம் எலிமினேஷன் இல்லாமல் போய்விடும்.