நீ எதுக்கு இந்த ஷோவுக்கு வந்த.. ஷிவானியை திட்டி தீர்த்த அவரது அம்மா

பிக் பாஸ் 4 இறுதிக்கட்டத்தை நெருங்கி கொண்டிருக்கிறது. இன்னும் சில வாரங்களே இருப்பதால் ஆட்டம் அதிகம் களைகட்டும் என எதிர்பார்க்கப்படுகிறது. இதற்கு முன் நடந்த சீசன்களை போல இல்லாமல் இந்த வருடம் போட்டியாளர்களின் குடும்பத்தினர் பிக் பாஸ் வீட்டுக்கு வருவது சந்தேகம் தான் என கூறப்பட்டது.

ஆனால் தற்போது அனைவருக்கும் சர்ப்ரைஸ் அளிக்கும் விதத்தில் ஷிவானியின் அம்மா பிக் பாஸ் வீட்டுக்குள் வந்திருக்கிறார். ஷிவானி பாத்ரூம் பகுதியில் இருந்த போது அவரை freeze என பிக் பாஸ் கூறுகிறார். அப்போது அவரது அம்மா கதவு வழியாக உள்ளே அனுப்பப்படுகிறார். அதை பார்த்து ஷிவானி கண்கலங்கி ஓடிச்சென்று அவரை கட்டிப்பிடித்து அழுகிறார்.

அதன் பின் ஷிவானியை திட்ட தொடங்குகிறார் அவரது அம்மா. "எதுக்கு இந்த ஷோவுக்கு நீ வந்தே? நீ என்ன இந்த வீட்டுக்குள்ள பண்ணிட்டு இருந்தா வெளியே யாருக்கும் தெரியாதுனு நெனைச்சிட்டு இருக்கியா" என கேட்டு தாக்கி பேசி இருக்கிறார்.


ஷிவானி பாலாஜி உடன் நெருக்கம் காட்டி வரும் நிலையில் அதை பற்றி தான் அவரது அம்மா இப்படி கோபத்துடன் பேசி இருக்கிறாரோ?

ஏற்கனவே ஷிவானி பிக் பாஸில் ஈடுபாடு குறைவாக இருக்கிறார் என கூறி அவர் மீது அதிகம் விமர்சனங்கள் வைக்கப்பட்டு வாராவாரம் நாமினேட் செய்யப்பட்டு வருவது குறிப்பிடத்தக்கது.