பெரும் ரசிகர் பட்டாளம்
விஜய் டிவியில் இதுவரை ஒளிபரப்பான பிக்பாஸ் நிகழ்ச்சியின் 5 சீசன்களும் செம ஹிட்டானது. பரபரப்புக்கு பஞ்சம் இல்லாமல் இருக்கும் பிக்பாஸ் நிகழ்ச்சிக்கு என பெரும் ரசிகர் பட்டாளமே உள்ளது. தற்போது 6வது சீசனுக்கான பணிகள் நடைபெற்று வருகிறது.
தள்ளிப்போகும் பிக்பாஸ்
முதல் 3 சீசன்கள் ஜூன், ஜூலை மாதங்களில் தொடங்கிய நிலையில் கடந்த இரண்டு சீசன்கள் கொரோனா காரணமாக அக்டோபர் மாதம் தொடங்கி ஜனவரி வரை நடைபெற்றது. இந்நிலையில் 6 வது சீசன் வரும் அக்டோபர் 2 ஆம் தேதி தொடங்கும் என தெரிவிக்கப்பட்ட நிலையில், தமிழகத்தில் பரவும் காய்ச்சல் காரணமாக அது மேலும் தள்ளிப் போகும் என தகவல் வெளியாகியுள்ளது.
Meghana Raj: மறைந்த காதல் கணவருடன் மேக்னா ராஜ்.. த்ரோபேக்கை ஷேர் செய்து உருக்கம்!
டிடி- ரோஷினி
இதனிடையே பிக்பாஸ் நிகழ்ச்சியில் பங்கேற்கும் பெண் போட்டியாளர்களின் பட்டியல் வைரலாகி வருகிறது. அதன்படி விஜய் டிவியின் ஆஸ்தான விஜேக்களில் ஒருவரான டிடி பங்கேற்கவுள்ளதாக கூறப்படுகிறது. மேலும் பாரதி கண்ணம்மா சீரியல் மற்றும் 'குக் வித் கோமாளி' மூலம் பிரபலமான நடிகை ரோஷினி ஹரிபிரியனும் பிக்பாஸ் சீசன் 6ல் பங்கேற்கவுள்ளதாக தகவல் வெளியாகியுள்ளது.
அர்ச்சனா
ராஜா ராணி-2 சீரியல் மூலம் பிரபலமான அர்ச்சனாவும் பிக்பாஸ் வீட்டிற்கு செல்லவுள்ளதாக கூறப்படுகிறது. அர்ச்சனா 'ராஜா ராணி-2' சீரியலில் இருந்து விலகுவதாக அறிவித்த நிலையில், இது ரசிகர்களின் சந்தேகத்தை அதிகப்படுத்தியுள்ளது. மேலும் சிம்பு தன்னை லவ் டார்ச்சர் செய்வதாக கூறி பரபரப்பை கிளப்பிய ஸ்ரீநிதியின் பெயரும் பிக்பாஸ் போட்டியாளர்கள் பட்டியலில் இடம்பெற்றுள்ளது.
Meena: கணவர் மரணத்திற்கு பிறகு... மீண்டும் ஃபார்முக்கு வந்த மீனா... தெறிக்கவிடும் வீடியோ!
மனிஷா யாதவ் - தர்ஷா குப்தா
நடிகை மனிஷா யாதவ், 'குக் வித் கோமாளி' மூலம் பிரபலமாகி இன்ஸ்டாகிராமை கிளாமர் போட்டோக்களால் திணறவிட்டு வரும் தர்ஷா குப்தா, 'இஸ்பேட் ராஜாவும் இதயராணியும்' படம் மூலம் பிரபலமான ஷில்பா மஞ்சுநாதன், சூப்பர் சிங்கர் ராஜலக்ஷ்மி மற்றும் விஜே அஞ்சனா ஆகியோரின் பெயரும் பிக்பாஸ் சீசன் 6 போட்டியாளர்கள் பட்டியலில் இடம்பெற்றுள்ளது.