அம்பி, அந்நியன், ரெமோ.. இணையத்தில் வைரலாகும் சுரேஷ் சக்ரவர்த்தி மீம்கள்

பிக் பாஸ் வீட்டில் தற்போது மற்ற போட்டியாளர்கள் அனைவரும் சாதாரணமாக இருந்தாலும் பேசி பேசி பல்வேறு பிரச்சனைகளை உருவாக்கி வருகிறார் சுரேஷ் சக்ரவர்த்தி. பிக் பாஸ் நிகழ்ச்சியை பரபரப்பாக வைத்திருப்பது அவர் மட்டும் தான் என்று சமூக வலைதளங்களில் அவரை ஒரு தரப்பினர் பாராட்டியும் வருகிறார்கள். மற்ற போட்டியாளர்கள் முகமூடி போட்டது போல நடந்து கொண்டிருந்தாலும் சுரேஷ் சக்ரவர்த்தி அவர்களை விடாமல் வம்புக்கு இழுத்து அவர்களது முகத்திரையை மக்களுக்கு காட்டும் படி செய்துவிடுகிறார்.

போட்டியாளர்கள் அனைவரும் நமத்து போன பட்டாசு போலவே இருக்கிறார்கள் என்று கமல்ஹாசன் முன்னிலையிலேயே சக்ரவர்த்தி கமெண்ட் கூறியிருந்தது குறிப்பிடத்தக்கது. இதனால் அவர் இதையெல்லாம் வேண்டுமென்றே செய்து வருகிறாரா என்கிற கேள்வியையும் நெட்டிசன்கள் கேட்டு வருகின்றனர்.

இந்நிலையில் சுரேஷ் சக்ரவர்த்திக்கு ஆதரவாகவும் மற்றும் எதிராகவும் சமூக வலைத்தளங்களில் அதிகம் விவாதம் நடந்து கொண்டு தான் இருக்கின்றது. அது மட்டும் இன்றி சுரேஷ் சக்ரவர்த்தியை பற்றி பல மீம்களும் இணையத்தில் அதிகம் உலா வருகின்றன.

அப்படி ஒரு மீமில் சுரேஷ் சக்ரவர்த்தி உடை அணியும் விதத்தை காட்டும் விதமாக அம்பி, அந்நியன் மற்றும் ரெமோ என குறிப்பிட்டு ஒரு மீம் வைரால் ஆகி வருகிறது. இன்று காலை வெளிவந்த பிக் பாஸ் ப்ரொமோ வீடியோவில் சுரேஷ் சக்ரவர்த்தி அனிதா சம்பத் உடன் சேர்ந்து சின்ன மச்சான் பாடலுக்கு நடனம் ஆடி இருந்தனர். அதில் அனைவரது கவனத்தையும் ஈர்த்து சுரேஷ் சக்ரவர்த்தியின் உடை மற்றும் நடனம் தான். அந்த புகைப்படத்தை குறிப்பிட்டு தான் அவர் அந்நியன் பட ரெமோ போல இருப்பதாக நெட்டிசன்கள் மீம் பதிவிட்டு வருகிறார்கள்.


பிக் பாஸ் ஷோ தொடங்கி இரண்டு வாரங்கள் ஆகும் நிலையில் அதிக அளவு ப்ரொமோ வீடியோக்களில் சுரேஷ் சக்ரவர்த்தி தான் வருகிறார். விஜய் டிவியின் டிஆர்பிக்கு சுரேஷ் சக்ரவர்த்தி தான் இப்போது முக்கிய காரணமாக இருந்து வருகிறார் என பலரும் கருத்து தெரிவிக்கின்றனர்.

மேலும் சுரேஷ் சக்ரவர்த்தியை கடந்த சீசன் போட்டியாளரான வனிதா உடன் ஒப்பிட்டு சில மீம்கள் வெளியாகி இருக்கின்றனர். 'If you are bad, I am your dad' என சுரேஷ் சக்ரவர்த்தி வணிதாவிடம் சொல்வது போல அந்த மீம் இருக்கிறது.


மேலும் மற்றொரு மீமில் சுரேஷ் சக்ரவர்த்தியை சிவாஜி பட வில்லனுடன் ஒப்பிட்டு ஒரு மீம் வெளியிடப்பட்டு இருக்கிறது. "என்ன பா.. வயசான கண்டெஸ்டண்ட் பொங்கலும் புளியோதரையும் சாப்டுட்டு போய்டுவாருனு நெனைசீங்களா. சுரேஷ் சக்ரவர்த்தி டா" என அவர் சொல்வது போல காட்டப்பட்டு உள்ளது.


ரியோ மற்றும் சுரேஷ் சக்ரவர்த்தி சண்டை பற்றியும் சில மீம்கள் வெளியாகி இருக்கின்றன.



சுரேஷ் சக்ரவர்த்திக்காக தான் பிக் பாஸ் பார்க்கிறோம் எனவும் சிலர் கூறுவதை பார்க்க முடிகிறது. அது மட்டும் இன்றி சுரேஷ் ஆர்மி என்று கூட ட்விட்டரில் ஒன்று செயல்பட தொடங்கிவிட்டது. பல பிரச்சனைகளை உண்டாக்கிவிட்டு அதனால் வரும் சண்டையை கூலாக சமாளிக்கும் சுரேஷ் சக்ரவர்த்தி பிக் பாஸ் வீட்டில் இருக்கும் வரை எண்டெர்டெயின்மென்ட்டுக்கு பஞ்சம் இருக்காது.