GP Muthu: மருத்துவமனையில் பிக்பாஸ் ஜிபி முத்து: புகைப்படத்தை பார்த்து பதறும் ரசிகர்கள்.!

விஜய் டிவியில் ஒளிப்பரப்பாகும் பிரபலமான நிகழ்ச்சி பிக்பாஸ் தமிழ். அண்மையில் நடந்து முடிந்த இதன் ஆறாவது சீசனில் ஜிபி முத்து, ஷிவின், அசீம், ரச்சிதா மகாலட்சுமி, அசல் கோலார், விக்ரமன், ராபர்ட் மாஸ்டர், ஷெரின், ராஜேஷ், மணிகண்டன், ஏடிகே, ஜனனி, மகேஸ்வரி சாணக்யன், விஜே கதிரவன், அமுதவாணன், சாந்தி, குயின்சி, நிவாஷினி, தனலட்சுமி உள்ளிட்ட 20 போட்டியாளர்கள் கலந்து கொண்டனர். இந்த நிகழ்ச்சியில் வைல்ட் கார்டு எண்ட்ரியாக மைனா நந்தினி உள்ளே நுழைந்தார்.

இந்த பிக்பாஸ் நிகழ்ச்சியில் மக்கள் போட்டியாளராக உள்ளே நுழைந்தவர் ஜிபி முத்து. சோஷியல் மீடியாவில் பிரபலாமான இவருக்கு ஏகப்பட்ட ரசிகர்கள் கூட்டம் உள்ளது. டிக்டாக் மூலம் ரசிகர்கள் மத்தியில் பிரபலமான ஜிபி முத்து, அந்த செயலி தடை செய்யப்பட்டதை தொடர்ந்து யூடிப் பக்கம் ஒதுங்கினார். இதில் இவர் பதிவிடும் வீடியோக்கள் மிகப்பிரபலம்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

யூடிப்பில் ரசிகர்கள் அனுப்பும் லெட்டரை படிப்பார் ஜிபி முத்து. அப்போது இவர் பயன்படுத்தும் செத்த பயலே, நாரே பயலே போன்ற பேச்சுக்கள் மிகப்பிரபலம். இந்த லெட்டர் படிக்கும் வீடியோக்கள் மூலம் பிரபலமான ஜிபி முத்து பிக்பாஸ் வீட்டுக்குள் நுழைந்தார். அங்கு தாக்கு பிடிக்க முடியாமல் சில நாட்களிலே பிக்பாஸ் வீட்டை விட்டு தாமாகவே வெளியேறினார்.

Rachitha: புது கார்.. விலை மட்டும் இத்தனை லட்சமா..?: குட் நியூஸ் சொன்ன பிக்பாஸ் ரச்சிதா..!

இதனால் ரசிகர்கள் கடும் அதிர்ச்சியடைந்தனர். பிக்பாஸ் நிகழ்ச்சியை தொடர்ந்து படங்களில் நடிக்க ஆரம்பித்துள்ளார் ஜிபி முத்து. அஜித்தின் 'துணிவு' படத்தில் ஒருசின்ன காட்சியில் நடித்திருந்தார். மேலும் தற்போது விஜய் டிவியில் ஒளிப்பரப்பாகும் பிரபலமான குக் வித் கோமாளி சீசன் நான்கு நிகழ்ச்சியில் கோமாளியாக களமிறங்கியுள்ளார் ஜிபி முத்து.

Amir, Pavani: அடுத்த கட்டத்துக்கு செல்லும் அமீர் - பாவனி: இதை எதிர்பார்க்கலயே..!

இந்நிலையில் இவர் தற்போது மருத்துவமனையில் அனுமதிக்கப்பட்டுள்ள செய்தி அறிந்து ரசிகர்கள் கடும் அதிர்ச்சி அடைந்துள்ளனர். மருத்துவமனையில் படுத்த படுக்கையாக இருக்கும் புகைப்படத்தை தனது சோஷியல் மீடியா பக்கத்தில் பகிர்ந்துள்ளார். அவரின் இந்த புகைப்படத்தை பார்த்து பதறி போன ரசிகர்கள் திடீரென ஜிபி முத்துவுக்கு என்னாச்சு என கேட்டு கமெண்ட் அடித்து வருகின்றனர். மேலும் அவர் விரைவில் நலம்பெற வாழ்த்து தெரிவித்தும் வருகின்றனர்.