அமீரின் காதலுக்கு பச்சை கொடி: மேடையிலே போட்டுடைத்த பிக்பாஸ் பவானி..!

பிக்பாஸ் ஐந்தாவது சீசனில் பங்கேற்ற போட்டியாளர்கள் மத்தியில் பரபரப்பிற்கு பஞ்சம் இல்லாமல் திகழ்ந்தவர் பவானி. ரசிகர்கள் மத்தியிலும் பெரிய வரவேற்பை பெற்றார். இந்த ஐந்தாவது சீசனின் டைட்டில் வின்னராக ராஜுவும், இரண்டாம் இடத்தை பிரியங்காவும் பெற்ற நிலையில் மூன்றாவது இடத்தை பெற்றார் பவானி.

பிக் பாஸ் 5-வது சீசனில் இசைவாணி, ராஜு ஜெயமோகன், மதுமிதா, அபிஷேக் ராஜா, நமீதா மாரிமுத்து, பிரியங்கா, அபிநய் வாடி, சின்ன பொண்ணு, பாவனி, நாடியா சங், வருண், இமான் அண்ணாச்சி, ஐக்கி பெர்ரி, ஸ்ருதி, அக்‌ஷரா, தாமரை செல்வி, சிபி சந்திரன், நிரூப் நந்தகுமார் ஆகிய 18 போட்டியாளர்கள் பங்கேற்றனர்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

பிக்பாஸ் நிகழ்ச்சியில் அபிநய் உடன் காதல் கிசுகிசு, அமீருடன் முத்தம் என பரபரப்புக்கு பஞ்சம் இல்லாமல் வலம் வந்தவர் பவானி. பலவித சர்ச்சைகளில் சிக்கினாலும் இறுதிவரை பிக்பாஸ் நிகழ்ச்சியில் கலந்து கொண்டு மூன்றாம் இடத்தை பிடித்தார் பாவனி. பிக்பாஸ் நிகழ்சிக்கு பின்னரும் அமீர், பவானி இருவரும் ஜாலியாக ஊர் சுற்றினார்கள். இவர்களின் புகைப்படங்கள் இணையத்தில் வைரலானது.

இந்நிலையில் தற்போது பிக்பாஸ் ஜோடிகள் நிகழ்ச்சி ஆரம்பம் ஆகியுள்ளது. அமீர், பாவனி, வேல்முருகன், ஆர்த்தி கணேஷ், அபிஷேக், ஸ்ருதி, சுஜா வருணி உள்ளிட்டோர் கலந்து கொண்டுள்ளனர். இந்நிகழ்ச்சியை பிரியங்கா, ராஜு இருவரும் தொகுத்து வழங்குகின்றனர்.

அமீர் செய்த காரியத்தால் கதறி அழும் பாவனி: சண்டைக்கு வந்த பிரியங்கா..!

இந்நிலையில் இந்த நிகழ்ச்சியின் புதிய புரோமோ ஒன்று தற்போது இணையத்தில் வெளியாகி வைரலாகி வருகிறது. அதில் அமீர் குறித்த கேள்விக்கு, அமீரை எனக்கு பிடிக்கும். ஆனா கொஞ்சம் டைம் வேணும் என கூறியுள்ளார் பவானி. அவரின் பதிலை கேட்டு அமீர் உற்சாகத்தில் துள்ளி குதிப்பதை போல் புரோமோவில் காட்சிகள் இடம்பெற்றுள்ளன.