பவானி - அபிநய் குறும்பட பஞ்சாயத்து: பிக்பாஸ் மீது பழியை போட்ட பவானி!

பிக்பாஸ் ஐந்தாவது சீசனில் பங்கேற்ற போட்டியாளர்கள் மத்தியில் பரபரப்பிற்கு பஞ்சம் இல்லாமல் திகழ்ந்தவர் பவானி. ரசிகர்கள் மத்தியிலும் பெரிய வரவேற்பை பெற்றார் இவர். இந்த ஐந்தாவது சீசனின் டைட்டில் வின்னராக ராஜுவும், இரண்டாம் இடத்தை பிரியங்காவும் பெற்ற நிலையில் மூன்றாவது இடத்தை பெற்றார் பவானி.

பிக் பாஸ் 5-வது சீசனில் இசைவாணி, ராஜு ஜெயமோகன், மதுமிதா, அபிஷேக் ராஜா, நமீதா மாரிமுத்து, பிரியங்கா, அபிநய் வாடி, சின்ன பொண்ணு, பாவனி, நாடியா சங், வருண், இமான் அண்ணாச்சி, ஐக்கி பெர்ரி, ஸ்ருதி, அக்‌ஷரா, தாமரை செல்வி, சிபி சந்திரன், நிரூப் நந்தகுமார் ஆகிய 18 போட்டியாளர்கள் பங்கேற்றனர்.

பிக்பாஸ் நிகழ்ச்சியில் அபிநய் உடன் காதல் கிசுகிசு, அமீருடன் முத்தம் என பரபரப்புக்கு பஞ்சம் இல்லாமல் வலம் வந்தவர் பாவனி. பலவித சர்ச்சைகளில் சிக்கினாலும் இறுதிவரை பிக்பாஸ் நிகழ்ச்சியில் கலந்து கொண்டு மூன்றாம் இடத்தை பிடித்தார் பாவனி.

பிக்பாஸ் வீட்டிற்கு வருவதற்கு முன்பாகவே சின்னத்திரை சீரியல்களில் ஹீரோயினாக நடித்துள்ளார் பாவனி. இவர் கடந்த 2017-ம் ஆண்டு பிரதீப் குமார் என்பவரை காதலித்து திருமணம் செய்துகொண்டார். திருமணமான 3 மாதத்தில் பாவனியின் கணவர் பிரதீப் தற்கொலை செய்துகொண்டார்.

யாஷிகாவோட பிரேக்கப் ஆனதுக்கு காரணம் இதான்: மனம் திறந்த பிக்பாஸ் பிரபலம்!

இந்நிலையில் அபிநய் உடன் கிசுகிசுக்கப்பட்ட போது பிக்பாஸ் நிகழ்ச்சியில் குறும்படம் ஒன்று வெளியிடப்பட்டது. இந்த வீடியோ சோசியல் மீடியாவில் மிகப்பெரிய அளவில் வைரலானது. தற்போது பிக்பாஸ் வீட்டிலிருந்து வந்த பின்பு ரசிகர்களிடம் உரையாடி வரும் பாவனியிடம் குறும்படம் பற்றி ரசிகர் ஒருவர் கேள்வி எழுப்பியிருந்தார்.


அதற்கு பதிலளித்த பாவனி பிடிக்காது என தான் சொன்னதற்கு முன்பிருந்த வார்த்தைகளையும் பின்னர் இருக்கும் வார்த்தைகளையும் எடிட் செய்து குறும்படம் வெளியிட்டுள்ளனர் என விஜய் டிவி மீது பரபரப்பு குற்றம் சாட்டியுள்ளார். இந்த வீடியோ தற்போது இணையத்தில் வைரலாகி வருகிறது. இதற்கு முன்பு பிக்பாஸ் முதல் சீசனில் ஜுலியும் குறும்படத்தில் எடிட் செய்து வெளியிட்டுருப்பதாக தெரிவித்திருந்தது குறிப்பிடத்தக்கது.