குக்கு வித் கோமாளி 2ல் பங்கேற்பது உண்மையா? சுரேஷ் சக்ரவர்த்தி சொன்ன பதில்

பிக் பாஸ் நான்காவது சீசனிலிருந்து சுரேஷ் சக்ரவர்த்தி கடந்த ஞாயிற்றுக்கிழமை வெளியேற்றப்பட்டார். ஷாவின் இறுதி வரை இருப்பார் என எதிர்பார்க்கப்பட்ட அவர் திடீரென வெளியேற்றப்பட்டது ரசிகர்கள் அனைவருக்கும் மிகப் பெரும் அதிர்ச்சியாக இருந்தது. திரையில் கூட அதிக நேரம் வராத பல போட்டியாளர்கள் வீட்டுக்குள் மிக்ஸர் சாப்பிட்டுக் கொண்டிருக்கும் நிலையில் சுரேஷ் சக்ரவர்த்தியை வெளியேற்ற என்ன காரணம் என சமூக வலைதளங்களில் ரசிகர்கள் அனைவரும் கேட்டு வருகிறார்கள்.

இந்நிலையில் வெளியில் வந்த சுரேஷ் சக்கரவர்த்தி அளித்திருக்கும் பேட்டியில் தனக்கு கிடைத்திருக்கும் ரசிகர்கள் ஆதரவு பற்றி பூரிப்புடன் பேசியிருக்கிறார். இது போன்ற அன்பை நான் இதற்கு முன்பு பெற்றது இல்லை. கமல்ஹாசன் என்னிடம் சொன்னார் எனக்கு புகழ் புதிது இல்லை என்றாலும் அதை மெதுவாக என்ஜாய் செய்யும்படி கூறினார். நான் வெளியில் வந்த பிறகு தான் மக்கள் வைத்திருக்கும் அன்பு மட்டும் ஆதரவை பார்த்து ஆச்சர்யப்பட்டேன். இது எனக்கு கிடைத்த அதிர்ஷ்டம் மற்றும் ஆசிர்வாதம் என்றும் எடுத்துக் கொண்டேன் என தெரிவித்து இருக்கிறார்.

மேலும் சுரேஷ் சக்ரவர்த்தி அடுத்து குக்கு வித் கோமாளி இரண்டாவது சீசனில் போட்டியாளராக கலந்து கொள்ள போகிறார் என தகவல் கடந்த சில தினங்களாகவே பரவிவருகிறது. அதற்காகத் தான் அவரை அவசர அவசரமாக பிக்பாஸில் இருந்து வெளியேற்றினார்கள் என்ற தகவல் பரவியது. ஆனால் இது பற்றி சுரேஷ் சக்ரவர்த்தியிடம் கேட்ட போது தனக்கு அப்படி எந்த வாய்ப்பும் இதுவரை வரவில்லை என்று விளக்கம் அளித்திருக்கிறார் நான் சிறந்த போட்டியாளராக இருப்பேன் என அவர்கள் கருதினால் நிச்சயம் அதில் கலந்து கொள்வேன் என கூறி இருக்கிறார்.

இதன் மூலமாக அவர் குக் வித் கோமாளி வதந்திக்கு முற்றுப்புள்ளி வைத்திருக்கிறார். இந்த ஷோ துவங்குவதால், அதில் பங்கேற்க தான் சுரேஷ் பிக்பாசில் இருந்து வெளியேற்றப்பட்டிருக்கலாம் என்று பரவலாக ஒரு கருத்து நிலவி இருந்த நிலையில் அது பொய் என தற்போது தெரிய வந்திருக்கிறது. அதனால் எதற்காக வெளியேற்றப்பட்டார் என்று காரணம் தெரியாமல் ரசிகர்களை தற்போதும் குழப்பத்தில் தான் இருக்கிறார்கள்.