Bigg Boss Tamil 6: ரிப்பீட்டு, சொன்ன மாதிரியே நடந்துடுச்சே: என்ன பிக் பாஸ் இதெல்லாம்?

பிக் பாஸ் 6 வீட்டை நீதிமன்றமாக மாற்றியிருப்பதை பார்வையாளர்களுக்கு அறிவிக்கும் வகையில் ப்ரொமோ வீடியோ வெளியிட்டுள்ளார்கள். பிக் பாஸ் வீக்லி டாஸ்க், நீதிமன்றம் என்று அறிவித்துள்ளார் அசீம். ஒவ்வொருவராக மெயின் டோர் கேமரா மூலம் உங்கள் வழக்கை பதிவு செய்ய வேண்டும். குற்றம் சாட்டப்பட்ட நபர் அவருக்கான வழக்கறிஞரை தேர்வு செய்து அவரது வழக்கை தயார் செய்ய வேண்டும் என்றார் அசீம்.

விக்ரமன் கூண்டில் நிற்க, ஏ.டி,கே. நீதிபதியாக செயல்பட, யாரும் எதிர்பார்க்காவிதமாக அமுதவாணன் சார்பில் வழக்கறிஞராக ஆஜராகியிருக்கிறார் அசீம். என் கட்சிக்காரர் அமுதவாணன் அவர்கள் வில்லாகவும், ஜனனி அவர்கள் அம்பாகவும் செயல்படுவது, நீங்கள் எதன் சாட்சியாக வைத்து சொல்கிறீர்கள் என விக்ரமனிடம் கேட்டிருக்கிறார் அசீம்.

ஒரு இளவரசியாக ராஜகுருவுக்கு அவமானம் நடந்தபொழுது கூட கேட்கவில்லை. ஆனால் அமுதவாணனுக்கு ஒன்னுமே நடக்கவில்லை என்று அசீமுக்கு பதில் அளித்திருக்கிறார் விக்ரமன். ஜனனி எப்பொழுது பார்த்தாலும் அமுது, அமுது என்று தான் இருக்கிறார். இதை கேட்கவே மாட்டீங்களா பிக் பாஸ் என்றார்கள் பார்வையாளர்கள். இந்நிலையில் தான் நீதிமன்ற டாஸ்கில் ஜனனியை கேள்வி கேட்டிருக்கிறார்கள்.

பிக் பாஸ் நிகழ்ச்சி குறித்து சமூக வலைதளங்களில் பலரும் கமெண்ட் செய்து வருகிறார்கள். அந்த கமெண்ட்டுகளை படித்துவிட்டு அதற்கு ஏற்றது போன்று நிகழ்ச்சியில் மாற்றம் செய்கிறார் பிக் பாஸ் என்கிறார்கள் சமூக வலைதளவாசிகள். இந்நிலையில் ஜனனி, அமுதவாணன் வழக்கை பார்த்தவர்களோ, பிக் பாஸ் கண்டிப்பாக சோஷியல் மீடியாவில் ஆக்டிவாக இருக்கிறார் என தெரிவித்துள்ளனர்.

இன்றைய ப்ரொமோ வீடியோவை பார்த்தவர்கள் கூறியிருப்பதாவது, தனலட்சுமி மனதளவில் பாதிக்கப்பட்டிருக்கிறார். அவருக்கு உரிய சிகிச்சை அளிக்கப்பட வேண்டும். அதனால் இந்த வாரம் தனலட்சுமியை வெளியே அனுப்பி வைக்கவும். ஜனனி ஒரு விஷ பாட்டில். ஆரம்பத்தில் இருந்தே விஷமாகத் தான் இருந்து வருகிறார். அது என்னவோ அமுதவாணனை மட்டும் தான் அவருக்கு பிடித்திருக்கிறது என கூறியிருக்கிறார்கள்.

அசீம் மற்றும் தனலட்சுமியை வைத்து தான் பிக் பாஸ் கன்டன்ட் ஓடுகிறது. நேற்று முழுக்க தனலட்சுமி கத்தி, கத்தி கன்டன்ட் கொடுத்தார். இந்நிலையில் இன்று அசீம் கன்டன்ட் கொடுக்கிறார். தனலட்சுமி, அசீம், ரிப்பீட்டு. இது மாறப் போவதே இல்லை என்கிறார்கள் பார்வையாளர்கள்.