6 பேர் வெளியேற்றம்
பிக்பாஸ் சீசன் 6 நிகழ்ச்சி தொடங்கி 7 வாரங்கள் கடந்து விட்டது. 21 போட்டியாளர்களுடன் தொடங்கிய இந்த நிகழ்ச்சியில் இதுவரை டான்ஸ் மாஸ்டர் சாந்தி, அசல் கோளாறு, ஷெரினா, மகேஸ்வரி, நிவாஷினி, ராபர்ட் மாஸ்டர் ஆகிய 6 பேர் எலிமினேட் செய்யப்பட்டுள்ளனர். ஜிபி முத்து பிக்பாஸ் வீட்டில் இருந்து தாமாகவே வெளியேறினார்.
இந்த வார நாமினேஷன்
இந்நிலையில் இந்த வார எவிக்ஷனுக்கான நாமினேஷன் ப்ராசஸ் கடந்த திங்கள் கிழமை நடைபெற்றது. இதில் கதிரவன், ஜனனி, ரச்சிதா, மைனா நந்தினி, தனலெட்சுமி, குயின்ஸி உள்ளிட்ட 6 பேர் இடம் பிடித்தனர். இதில் இந்த வாரம் யார் வெளியேறுவார்கள் என்ற குழப்பம் திங்கள் கிழமை முதலே இருந்து வந்தது.
Therukural Arivu: என் திமிரான தமிழச்சி... காதலியை அறிமுகப்படுத்திய தெருக்குரல் அறிவு!
மூன்று பேரில் ஒருவர்
இந்நிலையில் கதிரவன், ரச்சிதா மற்றும் குயின்ஸி ஆகியோர் சேஃப் கேம் ஆடுவதாக பேச்சு எழுந்தது. இதனால் இவர்கள் மூன்று பேரில் ஒருவர் இந்த வாரம் பிக்பாஸ் வீட்டில் இருந்து வெளியேறுவார்கள் என எதிர்பார்க்கப்பட்டது. அதே நேரம் தனலெட்சுமி மீதும் நெட்டிசன்கள் கோபமாக இருந்ததால் அவர் வெளியேறுவதற்கு வாய்ப்பு அதிகம் என்றும் கூறப்பட்டது.
Meena: கனவில் கூட நினைச்சு பார்க்கல.. மறுமணம் குறித்த வதந்தி.. நொறுங்கிப் போன மீனா!
இவர்தான் வெளியேறியது
அதேநேரத்தில் அன்அஃபிஷியல் வோட்டிங்கில் குயின்ஸி குறைந்த வாக்குகளை பெற்று கடைசி இடத்தில் இருப்பதாக தகவல் வெளியானது. இதனால் இந்த வாரம் பிக்பாஸ் வீட்டில் இருந்து குயின்ஸி வெளியேற அதிக வாய்ப்பு உள்ளதாக கூறப்பட்டது. இந்நிலையில் சனிக்கிழமையான இன்றே ஞாயிற்றுக் கிழமைக்கான எபிசோடும் காட்சியாக்கப்பட்டதில் பிக்பாஸ் வீட்டில் இருந்து குயின்ஸி வெளியேற்றப்பட்டுள்ளதாக தகவல் வெளியாகியுள்ளது.