பிக் பாஸ்
பிக் பாஸ் 6 வீட்டில் இருந்து ஒருவர் இன்று வெளியேற வேண்டிய நேரம் வந்துவிட்டது. இந்நிலையில் தான் எவிக்ஷன் பற்றிய ப்ரொமோ வீடியோவை முதலில் வெளியிட்டுள்ளனர். வழக்கமாக கமல் ஹாசன் தன் கையில் ஒரு கார்டுடன் வந்து பெயரை காட்டாமல் சூசகமாக பேசுவார். இந்த முறை சற்று வித்தியாசமாக இருக்கட்டுமே என மூன்று பெட்டிகளை கொண்டு வந்து வைத்து ஹவுஸ்மேட்ஸை அதை திறக்கச் சொல்லியிருக்கிறார்கள்.
Twitter-Vijay Television
கமல்
ப்ரொமோ வீடியோவில் கமல் ஹாசன் கூறியிருப்பதாவது, யார் வெளியேறுவார்கள் என்று நினைக்கிறீர்கள். ஸ்டோர் ரூமில் மூன்று பெட்டிகள் இருக்கு என்று கமல் தெரிவித்ததுமே மைனா நந்தினி தான் முதலில் ரியாக்ட் செய்தார். மூன்று பெட்டிகளுடன் மூன்று சாவிகளும் இருக்கு. அவங்கவங்க சாவியை கொடுங்க. எந்த பெட்டி திறக்கிறதோ அதில் வெளியேறுபவர்களின் பெயர் இருக்கும் என்றார் கமல்.
பெட்டி
கமல் ஹாசன் கூறியதை கேட்ட உடனே குவின்ஸி, ஜனனி மற்றும் மைனா நந்தினி ஆகியோர் பெட்டிகளை திறக்க முயற்சி செய்தனர். ப்ரொமோ வீடியோவை பார்த்தவர்கள் கூறியிருப்பதாவது, வெளியேறுபவர்கள் என்கிறாரே கமல். அப்படி என்றால் டபுள் எவிக்ஷனா?. மூன்று பேரையும் சேர்த்து வெளியே அனுப்பி வைத்துவிடுங்கள் ஆண்டவரே. அவர்களால் நிகழ்ச்சிக்கு பலனில்லை. எங்களுக்கு சிங்கிள் இல்லை ட்ரிபிள் எவிக்ஷன் வேண்டும். இந்த வாரம் ஒயில்டு கார்டு இருக்கிறதா ஆண்டவரே என தெரிவித்துள்ளனர்.
தனலட்சுமி
கேமை ஒழுங்காக விளையாடும் தனலட்சுமியை ஏன் எல்லோரும் டார்கெட் செய்கிறார்கள். பூமர் அங்கிள் விக்ரமன் ஆயிஷாவை வைத்து தான் நல்ல பெயர் எடுக்கலாம் என்று நினைத்து ஏமாந்துவிட்டார். அசீமுக்கு ரெட் கார்டு கொடுக்க முடியாது என்பதை கமல் மிகவும் தெளிவாக கூறிவிட்டார். பிக் பாஸுக்கு மட்டும் அல்ல ஆண்டவருக்கும் செல்லப் பிள்ளையாகிவிட்டார் லார்டு அசீம். அதனால் இனி தைரியமாக கத்துவார் என்று எதிர்பார்க்கலாம் என பிக் பாஸ் பார்வையாளர்கள் தெரிவித்துள்ளனர்.
ஒயில்டு கார்டு
ஒயில்டு கார்டு என்ட்ரியாக வி.ஜே. பார்வதி வருவார் என்று தகவல் வெளியானதே. அவர் தான் இந்த வாரம் வரப் போகிறாரா என்பதை தெளிவுபடுத்துங்கள் ஆண்டவரே. இல்லை வேறு யாரையாவது அழைத்து வருவதாக இருந்தால், தயவு செய்து மிக்சர் மாமா அல்லது மிக்சர் மாமியை அழைத்து வர வேண்டாம் என பிக் பாஸ் பார்வையாளர்கள் கோரிக்கை விடுத்துள்ளனர்.