Bigg Boss Tamil 6: எங்க அப்பா, அம்மா எப்ப பார்த்தாலும் சண்டை போடுவாங்க: மைனா கண்ணீர்

பிக் பாஸ் 6 வீட்டை பள்ளிக்கூடமாக மாற்றிவிட்டார்கள். ஹவுஸ்மேட்ஸை மாணவ, மாணவியராக்கிவிட்டார்கள். விக்ரமன், அசீம் ஆகியோர் ஆசிரியர்கள். முதல் ப்ரொமோ வீடியோவில் மியாவ் மியாவ் பூனைக்குட்டி என்ற ஹவுஸ்மேட்ஸ், இரண்டாவது ப்ரொமோ வீடியோவில் ரொம்ப சீரியஸாகிவிட்டார்கள். பள்ளிச் சீருடையில் இல்லாமல் சாதாரண உடையில் அமர்ந்து பேசிக் கொண்டிருக்கிறார்கள்.

பள்ளி மாணவ, மாணவியர் வேஷம் போட்டதாலோ என்னவோ ஹவுஸ்மேட்ஸை அம்மா, அப்பா பற்றி உருக்கமாக பேச வைத்து, அழ வைத்து வீடியோ வெளியிட்டுள்ளனர். நான் நிறைய விஷயங்களில் கஷ்டப்பட்டிருக்கிறேன். இப்ப கூட, நீ என்ன பண்ற, எதுவும் கொடுக்க மாட்டேன் என்கிறாய் என என் அம்மா, அப்பா ஒரு வார்த்தை கூட கேட்டது இல்லை என்று ஏ.டி.கே. கூறியதுடன் ப்ரொமோ வீடியோ துவங்கியிருக்கிறது.

ஏ.டி.கே.வை அடுத்து விக்ரமன் ஃபீல் செய்திருக்கிறார். கஷ்டப்படாத ஒரு நிலைமை எனக்கு வந்திருக்கிறது என்றால் அதற்கு என் அப்பா தான் காரணம். ஆனால் அவரிடம் ஓபனாக நன்றி சொன்னதே இல்லை. அவர் இல்லை என்றால் நான் இல்லை உருக்கமாக சொன்னார்.

விக்ரமனை அடுத்து தன் பெற்றோர் பற்றி பேசத் துவங்கியபோதே மைனா நந்தினிக்கு கண்ணீர் முட்டிக் கொண்டு வந்துவிட்டது. அவர் அழுது கொண்டே கூறியதாவது, சின்ன வயதில் இருந்தே சண்டையை தான் பார்த்திருக்கிறேன். அம்மா, அப்பா சேர்ந்து ஒரு நாள் கூட சிரித்துப் பேசி நான் பார்த்ததே இல்லை என்றார். அவர் சொன்னதை கேட்ட ஹவுஸ்மேட்ஸும் ஃபீல் பண்ணிவிட்டார்கள். அத்துடன் ப்ரொமோ வீடியோவை முடித்துக் கொண்டார் பிக் பாஸ்.

ப்ரொமோ வீடியோவை பார்த்தவர்கள் கூறியிருப்பதாவது, பள்ளி டாஸ்கின்போது எதுக்கு இப்போ இந்த அழுகாட்சி சீன்? ஓ, பெற்றோர் தான் முதல் ஆசிரியர்கள் என்று சொல்ல வருகிறீர்களா, நம்பிட்டோம் பிக் பாஸ், நம்பிட்டோம். இந்த வாரம் நடப்பது எல்லாமே மைனா நந்தினிக்கு சாதகமாக உள்ளதே. அவரை காப்பாற்றத் தான் இந்த அழுகாச்சி சீனா?. இது சூப்பர் சிங்கர் நிகழ்ச்சியில் வரும் அழுகாச்சி சீனாச்சே. பாவம் பிக் பாஸ் கன்ஃபியூஸ் ஆயிட்டார் போல என தெரிவித்துள்ளனர்.

இந்த வாரம் மைனா நந்தினிக்கு தான் பாயாசம் என்று பேசப்பட்ட நிலையில் அவரை மையமாக வைத்தே இரண்டு ப்ரொமோ வீடியோக்கள் வெளியாகியிருக்கிறது. ஆயிரம் தான் இருந்தாலும் நம்ம மைனா என விஜய் டிவி காப்பாற்றப் பார்க்கிறது என பிக் பார்வையாளர்கள் புகார் தெரிவித்துள்ளனர்.