சண்டை
இந்த ஏலியன், பழங்குடியின மக்கள் டாஸ்க் கொடுத்தாரும் கொடுத்தார் இந்த பிக் பாஸ், ஹவுஸ்மேட்ஸ் எப்பொழுது பார்த்தாலும் சண்டை போட்டுக் கொண்டிருக்கிறார்கள். சண்டை போட்டால் கூட பரவாயில்லை. ஆனால் நம் காதுகள் வலிக்கும் அளவுக்கு கத்துகிறார்கள். இன்று தனலட்சுமியை முதலில் கத்தவிட்டார்கள். இதையடுத்து வெளியாகியிருக்கும் இரண்டாவது ப்ரொமோ வீடியோவில் அசீமும், அமுதவாணனும் கத்துகிறார்கள்.
Bigg Boss Tamil 6: என்ன பார்த்து அந்த கேள்விய எப்படி கேட்கலாம் விக்ரமன்?: காட்டு கத்து கத்திய தனா
அசீம்
ஏன் இவ்வளவு அசிங்கமா, சீப்பா கேம் ஆடுறீங்கனு அமுதவாணனை பார்த்து கேட்டார் அசீம். உடனே அமுதுக்கு கோபம் வந்துவிட்டது. அவங்க கேவலமானவங்க, நம்ம கேவலமானவங்க இல்ல என்றார் அசீம். யாராவது இப்படி பேசுவாங்களா, சீப்பு, கேவலமானவங்கனு, கேம் இது என்றார் அமுதவாணன். இதையடுத்து அசீமும், அமுதவாணனும் மாறி மாறி கத்த, இடையே புகுந்த விக்ரமனோ, நீங்க ரவுடித்தனம் பண்றீங்கனு அசீமை பார்த்து சவுண்டுவிட்டார்.
Twitter-Vijay Television
ரவுடியா?
விக்ரமன் குரல் கொடுத்ததும் அமுதவாணனும் அசீமை பார்த்து நீங்க ரவுட்டித்தனம் பண்றீங்கனு சொன்னார். ரவுடியா நீனு ஆக்ரோஷமாக கேட்டார் அமுது. அத்துடன் ப்ரொமோ வீடியோ முடிந்தது. பார்வையாளர்களின் காதுகளும் குளிர்ச்சி அடைந்தது. அப்பாடி கத்துறது முடிஞ்சுடுச்சுடா சாமி என பார்வையாளர்கள் நிம்மதி அடைந்துள்ளனர்.
டாஸ்க்
யோவ் அமுதவாணன், பழங்குடியின டீமில் இருந்து கொண்டு சக டீம்மேட்டான அசீமிடம் மோதுகிறார் விக்ரமன். அதில் இருந்தே நீங்கள் உஷாராக வேண்டாமா?. பரவாயில்லை அமுதவாணனுக்கும் பேசக் கூடத் தெரிகிறது. லார்டு அசீம் தாக்கப்பட்டார். இந்த குவின்ஸி, ரச்சிதா மகாலட்சுமி, மைனா நந்தினி, கதிரவன் எல்லாம் என்ன செய்து கொண்டிருக்கிறார்கள் என்றே சத்தியமாக புரியவில்லை. கிரியேட்டிவ் டாஸ்க் கொடுக்கச் சொன்னால் இப்படி ஹவுஸ்மேட்ஸை சண்டக்கோழிகளாக மாற்றிவிட்டார்களே. ஓவர் சண்டை உடம்புக்கு மட்டும் அல்ல டி.ஆர்.பி.க்கும் நல்லது இல்லை என பிக் பாஸ் பார்வையாளர்கள் தெரிவித்துள்ளனர்.
பார்வையாளர்கள்
ப்ரொமோ வீடியோவை பார்த்தவர்கள் கூறியிருப்பதாவது, தயவு செய்து இந்த அசீமை வெளியேற்றுங்கள் பிக் பாஸ். வீட்டில் இருக்கும் அனைவருடனும் சண்டை போடுகிறார். அவரை சண்டை போட வைத்து தான் டி.ஆர்.பி.யை ஏற்றி, நிகழ்ச்சியை நடத்த வேண்டுமா?. இந்த அளவுக்கு பிக் பாஸின் நிலைமை மோசமாகிவிட்டதா என கேள்வி எழுப்பியுள்ளனர். அசீமை நாமினேட் செய்தாலே காப்பாற்றிவிடுவீர்கள். இந்த வார எவிக்ஷனுக்கு அவரை யாரும் நாமினேட்டும் செய்யவில்லை. அதனால் நாங்கள் சொல்வதை கேட்டா அசீமை விரட்டப் போகிறீர்கள். நல்லா இருங்க பிக் பாஸ், நல்லா இருங்க என மேலும் தெரிவித்துள்ளனர்.