பிக்பாஸ் தமிழ் சீசன் 3 ஆரம்பிக்கும் தேதி இதுதான்!

பிரபல தனியார் தமிழ் தொலைக்காட்சியில் கடந்த 2017ஆம் ஆண்டு பிக்பாஸ் என்ற தொடர் முதல்முறையாக ஒளிபரப்பானது. இதனை நடிகர் கமல் ஹாசன் தொகுத்து வழங்கினார்.

இந்த நிகழ்ச்சியில் 15 பிரபலங்கள் கலந்து கொண்டு, 100 நாட்கள் ஒரே வீட்டில் வசிப்பர். இறுதியில் வெற்றியாளர் தேர்வு செய்யப்பட்டு, பல லட்ச ரூபாய் மதிப்பிலான பரிசுகள் வழங்கப்படும்.

இது தமிழ் ரசிகர்கள் மத்தியில் மெல்ல, மெல்ல தீயாய் பற்றிக் கொண்டது. இரண்டு சீசன்கள் முடிவடைந்த நிலையில், மூன்றாவது சீசனுக்கான வேலைகள் தீவிரமாக நடந்து வந்தன.

இதையும் நடிகர் கமல் ஹாசனே தொகுத்து வழங்குவார் என்று தெரிவிக்கப்பட்டுள்ளது. இதற்கான டீசர், புரோமோஷன் ஆகியவை வெளியாகி, ரசிகர்கள் ஆர்வத்தை தூண்டியது.

இந்நிலையில் பிக்பாஸ் ஆரம்பிக்கும் தேதி குறித்து அதிகாரப்பூர்வ தகவல் வெளியாகியுள்ளது. அதாவது, வரும் ஜூன் 23ஆம் தேதி முதல் பிரபல தமிழ் தொலைக்காட்சியில் பிக்பாஸ் சீசன் 3 ஒளிபரப்பாகிறது.