விஜய் டிவி
விஜய் தொலைக்காட்சியில் கடந்த 2017 ஆம் ஆண்டு முதல் பிக்பாஸ் நிகழ்ச்சி தொடங்கி ஒளிபரப்பாகி வருகிறது. 100 நாட்கள் நடைபெறும் இந்த நிகழ்ச்சியில் மக்களின் ஆதரவோடு இறுதி வரை இருந்து மக்களின் மனதை வெல்லும் போட்டியாளரே வெற்றியாளராவார்.
6வது சீசன்
இதுவரை 5 சீசன்கள் நிடைறவடைந்துள்ளன. இந்நிலையில் 6வது சீசன் நிகழ்ச்சி வரும் 9 ஆம் தேதி மாலை 6 மணிக்கு தொடங்கவுள்ளது. வழக்கம்போல இந்த சீசனையும் நடிகர் கமல்ஹாசன்தான் தொகுத்து வழங்குகிறார். இதற்கான இறுதிக்கட்ட பணிகள் விறுவிறுப்பாக நடைபெற்று வருகிறது.
மைனா நந்தினி
நிகழ்ச்சியில் பங்கேற்கும் போட்டியாளர்கள் குறித்து கடந்த 3 மாதங்களாகவே தகவல்கள் வெளியான வண்ணம் உள்ளன. அதன்படி விஜய் டிவி பிரபலமான மைநா நந்தினி மற்றும் நடிகை ஐஸ்வர்யா ராஜேஷின் சகோதரரான சீரியல் நடிகர் மணிகண்டன் ஆகியோர் பிக்பாஸ் நிகழ்ச்சியில் பங்கேற்க உள்ளதாக தகவல் பரவி வருகிறது.
24 போட்டியாளர்கள்
இந்நிலையில் இந்த பிக்பாஸ் சீசன் 6ல் 24 போட்டியாளர்கள் பங்கேற்க உள்ளதாக கூறப்படுகிறது. இதில் 18 போட்டியாளர்கள் சினிமா, சின்னத்திரை மற்றும் மாடலிங்கை சேர்ந்தவர்கள் என்றும் மற்ற 6 போட்டியாளர்கள் பொதுமக்கள் என்றும் கூறப்படுகிறது. இந்த தகவல் எந்த அளவுக்கு உண்மை என்பது 9ஆம் தேதி தெரிந்துவிடும்.